বৃহস্পতিবাৰে ৰাষ্ট্ৰীয় মহাকাশ সংস্থা ৰছকছমছ-ৰ প্ৰধান দিমিত্ৰী ৰগজিনে কয় যে, ৰাছিয়াৰ বিৰুদ্ধে নিষেধাজ্ঞাৰ প্ৰতিশোধ হিচাপে ৰাছিয়াই মাৰ্কিন যুক্তৰাষ্ট্ৰক ৰকেট ইঞ্জিন সৰবৰাহ বন্ধ কৰাৰ সিদ্ধান্ত লৈছে ।
ৰগজিনে সংবাদ মাধ্যমৰ আগত কয়, “এনে পৰিস্থিতিত আমি মাৰ্কিন যুক্তৰাষ্ট্ৰক আমাৰ বিশ্বৰ শ্ৰেষ্ঠ ৰকেট ইঞ্জিন সৰবৰাহ কৰিব নোৱাৰো । তেওঁলোকক অন্য কিবাত উৰিব দিয়ক, ঝাড়ুত, মই নাজানো কিহত ।”
ৰগজিনৰ মতে, ৰাছিয়াই ১৯৯০ৰ পৰা মাৰ্কিন যুক্তৰাষ্ট্ৰত মুঠ ১২২টা আৰডি-১৮০ ইঞ্জিন সৰবৰাহ কৰিছে, ইয়াৰে ৯৮টা এটলাছে লঞ্চ কৰা যানবাহনক আৰম্ভ অৰিবলৈ ব্যৱহাৰ কৰা হৈছে ।
ৰছকছমছ-এ আগতে যুক্তৰাষ্ট্ৰত সৰবৰাহ কৰা ৰকেট ইঞ্জিনবোৰৰ সেৱাও বন্ধ কৰিব । ৰগজিনে লগতে কয়, মাৰ্কিন যুক্তৰাষ্ট্ৰত এতিয়াও ২৪টা ইঞ্জিন আছে যিকেইটা ৰাছিয়াৰ প্ৰযুক্তিগত সহায়তা অবিহনেই থাকিব ।
ৰাছিয়াই এতিয়া ৰছকছমছ আৰু প্ৰতিৰক্ষা মন্ত্ৰণালয়ৰ চাহিদাৰ স’তে সংগতি ৰাখি দ্বৈত-উদ্দেশ্য মহাকাশযান তৈয়াৰ কৰাত মনোনিৱেশ কৰিব ।