আজি কোকৰাঝাৰ জিলাৰ চিথিলাৰ ভূৱননগৰত কোচৰাজবংশী ফল্ক ট্ৰুপৰ উদ্যোগত আৰু ভূৱননগৰ ৰাইজৰ সহযোগত কোচৰাজবংশী লোকনৃত্যৰ তিনি দিনীয়া কৰ্মশালা অনুষ্ঠিত কৰা হয় । আজিৰে পৰা আৰম্ভ হোৱা কোচৰাজবংশী লোক নৃত্যৰ কৰ্মশালাৰ উদ্বোধন কৰে ভূৱননগৰ গাঁৱৰ বিশিষ্ট ব্যক্তি ৰবিন্দ্ৰ নাথ ৰায়ে ।
উক্ত কৰ্মশালাত প্ৰশিক্ষক হিচাপে উপস্থিত থাকে জয়মতী ৰায় আৰু অনুকুল ৰায় । উক্ত কৰ্মশালাত ভূৱননগৰ অঞ্চলৰ অৰ্ধ শতাধিক প্ৰশিক্ষাৰ্থীয়ে অংশগ্ৰহণ কৰে ।
আজি কৰ্মশালাৰ আৰম্ভণি অনুষ্ঠানত উপস্থিত থাকে ভূৱননগৰ গাঁৱৰ গাঁওবুঢা লক্ষী বৰ্মন, কোচৰাজবংশী ফল্ক ট্ৰুপৰ সভাপতি হিৰন্ময় ৰায়ৰ লগতে উক্ত অঞ্চলৰ ৰাইজ ।