ইউক্রেইন যুদ্ধৰ পৰিস্থিতিত প্রধানমন্ত্রী নৰেন্দ্র মোদীৰ স’তে বৈঠকত মিলিত হৈছিল ইউৰোপীয় ইউনিয়নৰ (EU) ৰাষ্ট্ৰপতি উৰ্চুলা ভন ডেৰ লিয়েনে । সোমবাৰে ৰাজধানী দিল্লীত হোৱা এই বৈঠকত ‘টেকন’লজিকেল পাৱাৰ হাউছ’ ভাৰতৰ স’তে নতুন সম্পর্ক তৈয়াৰ কৰাৰ আগ্রহ প্রকাশ কৰে ইইউ ৰাষ্ট্ৰপতি লিয়েনে ।
আজি টুইটাৰত বৈদেশিক মন্ত্রণালয়ৰ মুখপাত্র অৰিন্দম বাগচীয়ে লিখে, “আজি দিল্লীত ইইউ ৰাষ্ট্ৰপতি উৰ্চুলা ভনডেৰ লিয়েনৰ স’তে বৈঠকত মিলিত হয় প্রধানমন্ত্রী নৰেন্দ্র মোদী । ইণ্ডিয়া-ইইউ ষ্ট্ৰেটেজিক পার্টনাৰশ্বিপৰ অগ্রগতি পৰ্যবেক্ষণ কৰে দুই প্রধানে । ইয়াৰ উপৰি, বাণিজ্য, পৰিৱেশ, ডিজিটেল টেকন’লজি আৰু জনসম্পর্ক অধিক শক্তিশালী কৰাৰ বিষয়ত সহমত প্রকাশ কৰে দুয়োজনে ।” তাৎপর্যপূর্ণভাৱে, ভাৰতৰ স’তে ‘ট্রেড এণ্ড টেকন’লজি কাউন্সিল’ গঢ়ি তোলাৰ বিষয়ত আগ্রহ প্রকাশ কৰিছে উৰ্চুলাই । প্রধানমন্ত্রী মোদীৰ এই সিদ্ধান্তত তেওঁ উচ্ছ্বাস প্রকাশ কৰে । ইয়াৰ ফলত, দুই দেশৰ মাজত বাণিজ্য আৰু প্রযুক্তি হস্তান্তৰৰ পথ আৰু সুগম হ’ব । উল্লেখ্য যে, সম্প্ৰতি কেৱল আমেৰিকাৰ স’তেই এনে কাউন্সিল আছে ইউৰোপীয় ইউনিয়নৰ ।
আজি প্রধানমন্ত্রী মোদীৰ স’তে বৈঠকত ভাৰতক ‘টেকন’লজিকেল পাৱাৰ হাউছ’ বুলি উল্লেখ কৰে উৰ্চুলা ভনডেৰ লিয়েনে । তাৰ পাছতেই অত্যন্ত লক্ষণীয়ভাৱে তেওঁ কয়, “চলিত বৰ্ষত ভাৰত-ইইউ সম্পর্কৰ ৬০তম বর্ষপূর্তি । আজিৰ দিনত এই সম্পর্কৰ গুরুত্ব আৰু বাঢ়িছে । আমি বর্ধিষ্ণু গণতন্ত্র আৰু বৃহৎ অর্থনীতি । কিন্তু আজি আমি একাধিক প্ৰত্যাহ্বানৰ সন্মুখীন হৈছো ।”
ইপিনে, বৈঠকত উৰ্চুলা ভনডেৰ লিয়েনৰ ভূয়সী প্রশংসা কৰে প্রধানমন্ত্রী মোদীয়ে । তেওঁ আশা প্রকাশ কৰে যে লিয়েনেৰ নেতৃত্বত ইইউ আৰু ভাৰতৰ সম্পর্ক আৰু আগবাঢ়িব । উল্লেখ্য, মোদীৰ স’তে বৈঠকৰ আগতে ইইউ ৰাষ্ট্ৰপতিৰ স’তে বৈঠকত মিলিত হয় ভাৰতৰ বৈদেশিকমন্ত্রী এছ জয়শংকৰ । ইউক্রেইন যুদ্ধৰ ফলত সৃষ্টি হোৱা ৰাজনৈতিক আৰু অর্থনৈতিক সমস্যাৰ বিষয়সমূহ আলোচনা হয় দুজনৰ মাজত বুলি খবৰ ।