এইবাৰ বিদ্যালয়ত পাঠদান কৰা হ’ব ভাগৱৎ গীতা আৰু ৰামায়ণ । এই কথা জনাইছে উত্তৰাখণ্ডৰ (Uttarakhand) শিক্ষামন্ত্রী ধন সিং ৰাৱতে । কেৱল সেয়াই নহয়, বিদ্যালয়ৰ পাঠ্যক্রমত অন্তর্ভুক্ত হ’ব বেদো । ইয়াৰ উপৰি, ৰাজ্যৰ ইতিহাস সম্পৰ্কত আৰু বিস্তাৰিত তথ্য থাকিব পাঠ্যক্ৰমত ।
সোমবাৰে সংবাদ সংস্থা এএনআইক দিয়া এক সাক্ষাৎকাৰত ধন সিং ৰাৱতে কয়, “আমি প্রথম ৰাজ্য হিচাপে চলিত বৰ্ষত ৰাষ্ট্ৰীয় শিক্ষানীতি জাৰি কৰিম । জনতা আৰু শিক্ষাবিদসকলৰ পৰামর্শ লৈ আমি পাঠ্যক্রমত গীতা, ৰামায়ণ আৰু বেদ অন্তর্ভুক্ত কৰিছো ।”
কেন্দ্রৰ নতুন শিক্ষানীতিৰ প্রশংসা কৰি উত্তৰাখণ্ডৰ শিক্ষামন্ত্রীয়ে কয়, নতুন ৰাষ্ট্ৰীয় শিক্ষানীতিত পাঠ্যক্ৰমৰ ৪০ শতাংশ বিষয় নির্ধাৰণৰ স্বাধীনতা ৰাজ্যসমূহৰ হাতত আছে । লগতে, ভাৰতৰ ইতিহাস আৰু সংস্কৃতিকো দাঙি ধৰাৰ চেষ্টা কৰা হৈছে ।
উল্লেখ্য, বিগত মার্চত স্কুলৰ পাঠ্যক্রমত ভাগৱৎ গীতাক (Shrimad Bhagavad Gita) সংলগ্ন কৰিছে গুজৰাটে । গুজৰাটৰ ষষ্ঠৰ পৰা দ্বাদশ শ্রেণীৰ পাঠ্যক্ৰমৰ অংশ হিচাপে পঢ়োৱা হ’ব ধর্মগ্রন্থখন । গুজৰাট চৰকাৰৰ (Gujarat Government) যুক্তি শিক্ষাৰ্থীসকলক গীতা পঢ়ালে, তেওঁৰ ভাৰতীয় সভ্যতা, সংস্কৃতি সম্পর্ক প্ৰসৰ হ’ব । ভাৰতীয় সমাজব্যৱস্থা আৰু সামাজিক আদর্শ সৰুৰ পৰাই আত্মস্থ কৰিব পাৰিব । একেই পথ অৱলম্বন কৰিছে কর্ণাটকেও ।
ইপিনে, পাঠ্যক্রমত গীতা আৰু ৰামায়ণৰ অন্তর্ভুক্তিক লৈ বিতর্ক দেখা দিছে । বিৰোধীসকলৰ অভিযোগ, শিক্ষাৰ গোলকীকৰণ কৰিছে কেন্দ্রৰ বিজেপি চৰকাৰে । পাঠ্যক্ৰমত সালসলনি কৰাৰ নেপথ্যত আছে হিন্দুত্ববাদৰ এজেণ্ডা । অৱশ্যে এই সমস্ত অভিযোগ খাৰিজ কৰিছে শাসকদলে । উলোটাই তেওঁলোকৰ যুক্তি, গীতা কেৱল ধর্মগ্রন্থ নহয় । ই প্ৰকৃত জীৱন দর্শনৰ এক অমূল্য দলিল । বিশ্লেষকসকলৰ একাংশৰ মতে, কেন্দ্রৰ নতুন ৰাষ্ট্ৰীয় শিক্ষানীতিত ‘উদ্দেশ্যপ্রণোদিতভাৱেই’ গীতা, ৰামায়ণ আৰু বেদক গুৰুত্ব দিয়া হৈছে । এই ক্ষেত্রত সংখ্যাগুৰু হিন্দুসকলৰ আবেগৰ প্ৰতি লক্ষ্য ৰাখি স্পষ্ট বিৰোধ কৰাৰ সাহস কৰা নাই কংগ্রেছৰ দৰে ৰাষ্ট্ৰীয় দলবোৰে ।