ৰাজধানী দিল্লীত ১০ বছৰৰ পুৰণি ডিজেলচালিত গা়ড়ী আৰু ১৫ বছৰৰ পুৰণি পেট্রলচালিত গাড়ীৰ নিষেধাজ্ঞাক প্ৰত্যাহ্বান জনাই কৰা জনস্বার্থ গোচৰকাৰীক আঠ লাখ টকা জৰিমানা বিহিলে উচ্চতম ন্যায়ালয়ে । আদালতৰ পর্যবেক্ষণে এই আবেদনৰ সাৰাংশ বহন কৰে ।
ন্যায়াধীশ এল নাগেশ্বৰ ৰাওৱে, ন্যায়াধীশ এএছ বোপান্না আৰু ন্যায়াধীশ বিআৰ গাভাইৰ বেঞ্চে জনায়, অধিবক্তা অনুৰাগ ছাক্সেনাই যি জনস্বার্থ গোচৰটো দাখিল কৰিছে সেয়া প্রকৃতপক্ষে অসাৰ । লগতে এই অধিবক্তা কোনো গোচৰ যেন সংশ্লিষ্ট বেঞ্চত নাহে, সেয়াও নির্দেশ দিছে ন্যায়াধীশসকলে ।
প্রসংগত, ২০১৮-ত উচ্চতম ন্যায়ালয়ত দিল্লীৰ পৰিবহণ দপ্তৰক নির্দেশ দিয়ে তেওঁলোকে যেন ১০ বছৰৰ পুৰণি ডিজেলচালিত গাড়ী আৰু ১৫ বছৰৰ পুৰণি পেট্রলচালিত গাড়ীক ৰাজধানীৰ পথত নমোৱাত নিষেধাজ্ঞা জাৰি কৰে । অনুৰাগে সেই নির্দেশকেই প্ৰত্যাহ্বান জনাই গোচৰ ৰুজু কৰে । সেই গোচৰৰ শুনানিতে মঙলবাৰে উচ্চতম ন্যায়ালয়ে জনস্বার্থ গোচৰটো অসাৰ বুলি অভিহিত কৰি গোচৰকাৰী অধিবক্তাক আঠ লাখ টকা জৰিমনা বিহে ।
গোচৰকাৰীৰ দাবী আছিল, ‘ইতিমধ্যে চলি থকা গাড়ীৰ ওপৰত নিষেধাজ্ঞাৰ ফলত আৰু অধিক পৰিমাণে কার্বন নির্গমনৰ পথ সুগম হ’ব । কাৰণ গাড়ী প্রস্তুতকাৰকসকলে নতুন গাড়ী তৈয়াৰ কৰিব, আৰু সেই কামত আৰু অধিক কার্বন নির্গমন হ’ব । সেয়ে ১০ আৰু ১৫ বছৰৰ গাড়ীক নিষিদ্ধ কৰাৰ প্ৰকৃত উদ্দেশ্য বিফল গৈছে । লগতে প্রশ্ন তোলা হয়, কেৱল কিছুসংখ্যক স্থানত এই নিষেধাজ্ঞা জাৰি কৰি লাভ কি ? কিয় সকলো ঠাইতেই এনে নিষেধাজ্ঞা জাৰি কৰা হোৱা নাই ?
ৰায়ত ন্যায়াধীশ ৰাৱে গোচৰকাৰীক কয়, ‘‘আপুনি নেছনেল গ্রীন ট্রিব্যুনেলৰ লগতে অন্যান্য সমস্ত নির্দেশনামা দেখিছে । তৎসত্ত্বেও আপুনি এই আবেদন কৰিছে । আপুনি নিজে নিশ্চিত নে ? আমি আপোনাৰ ওপৰত মোটা অংকৰ জৰিমনা ধার্য কৰিছো । লগতে এনে মন্তব্যও আছে, যিয়ে আপোনাৰ জীৱিকা জীৱনৰ দীর্ঘম্যাদতো প্রভাৱ পেলাব ।’’