ভয়াৱহ পথ দুৰ্ঘটনাত সাতজনৰ মৃত্যু হ’ল উত্তৰ প্রদেশত (Uttar Pradesh) । এখন চলন্ত ট্রাকৰ স’তে খুণ্ডা লাগে এখন এম্বুলেন্সৰ । ঘটনাস্থলতেই মৃত্যু হয় এম্বুলেন্সত থকা সাতজনৰ । এই ঘটনাত শোক প্রকাশ কৰিছে উত্তৰ প্রদেশৰ মুখ্যমন্ত্রী যোগী আদিত্যনাথে । প্রাথমিকভাৱে আৰক্ষীৰ অনুমান, টোপনিত চকু জাপ খাই গৈছিল এম্বুলেন্স চালকজনৰ । তাতেই বিপত্তি ঘটে ।
আৰক্ষী সূত্রে জানিব পৰা গৈছে, মঙলবাৰে পুৱতি নিশা দিল্লীৰ এখন বেচৰকাৰী হাস্পাতালত চিকিৎসা কৰাই বৰেলিৰ (Bareilly) গাঁৱলৈ উভতিছিল একেটা পৰিয়ালৰ ছয়জন সদস্য । ঘটনাৰ সময়ত সম্ভৱত টোপনি গৈছিল এম্বুলেন্সৰ চালকজন । তেতিয়াই উলোটা দিশৰ পৰা অহা এখন মালবাহী ট্রাকৰ স’তে সংঘৰ্ষ (Ambulance Collides with Truck) হয় এম্বুলেন্সখনৰ । গুৰুতৰভাৱে আহত হয় এম্বুলেন্সৰ সাতজন যাত্রী । স্থানীয় লোকৰ উদ্যোগত হাস্পাতালত লৈ যোৱা হয় তেওঁলোকক । তাতেই চিকিৎসকে তেওঁলোকক মৃত ঘোষণা কৰে ।
#UPCM @myogiadityanath ने जनपद बरेली में सड़क दुर्घटना में हुई जनहानि पर गहरा शोक प्रकट किया है।
मुख्यमंत्री जी ने दिवंगत आत्माओं की शांति की कामना करते हुए शोक संतप्त परिजनों के प्रति संवेदना व्यक्त की है।
— CM Office, GoUP (@CMOfficeUP) May 31, 2022
এছপি ৰোহিত সিং সজবাণে জনাইছে, গাড়ীৰ চালকজন টোপনি গৈছিল । সেই সময়তেই ডিভাইডাৰ পাৰ কৰি উলোটা দিশৰ পৰা অহা মালবাহী মিনি ট্রাকৰ স’তে খুণ্ডা লাগে এম্বুলেন্সখনৰ । তাৰ পাছতেই ঘটনাস্থলৰ পৰা আৰক্ষীক খবৰ দিয়ে স্থানীয় লোকে । আৰক্ষীয়ে আৰু জনাইছে, মৃতসকলৰ ভিতৰত চাৰিজন পুৰুষ আৰু তিনিগৰাকী মহিলা । মৃত লোকজনৰ পত্নী, পুত্র, ভগ্নী, ভাগিন আৰু ভনী জোঁৱাইৰ এই দুর্ঘটনাত মৃত্যু হৈছে । মৃত্যু হৈছে গাড়ীৰ চালকৰো ।
এই দুর্ঘটনাৰ কথা জনাই শোক প্রকাশ কৰিছে ৰাজ্যৰ মুখ্যমন্ত্রী যোগী আদিত্যনাথে (Yogi Adityanath) । তেওঁৰ দপ্তৰৰ পৰা টুইট কৰি কোৱা হৈছে, “বৰেলিত ভয়াৱহ দুর্ঘটনাৰ কথা জানিব পাৰি গভীৰ শোক প্রকাশ কৰিছে মুখ্যমন্ত্রী যোগী আদিত্যনাথে । মৃতসকলৰ আত্মাৰ শান্তিৰ উদ্দেশ্যে প্রার্থনা কৰিছে তেওঁলোকে । শোক সন্তপ্ত পৰিয়ালক সমবেদনা জনাইছে মুখ্যমন্ত্রীয়ে ।