যুদ্ধৰ ১০০তম দিনত ৰুছ ফৌজৰ বিৰুদ্ধে শিশু অপহৰণৰ অভিযোগ উত্থাপন কৰিলে ইউক্রেইনৰ ৰাষ্ট্ৰপতি ভল’দিমিৰ জেলেনস্কিয়ে । বৃহস্পতিবাৰে তেওঁ কয়, ‘‘ফেব্রুৱাৰীত আক্ৰমণৰ পাছৰ পৰা এই পর্যন্ত ইউক্রেইনৰ প্রায় দুই লাখ শিশুক জোৰ কৰি ৰাছিয়াই উঠাই লৈ গৈছে ।’’
যোৱা ২৪ ফেব্রুৱাৰীত ইউক্রেইনচ সেনা অভিযানৰ ঘোষণা কৰিছিল ৰুছ ৰাষ্ট্ৰপতি ভ্লাদিমিৰ পুটিনে । তাৰ আগতে তেওঁ ইউক্রেইনৰ ডোনেৎস্ক আৰু লুহানস্ক অঞ্চলক (যাদের একত্রে ডনবাস বলা হয়) স্বাধীন ৰাষ্ট্র হিচাপে স্বীকৃতি দিয়াৰ ঘোষণা কৰে । ঘটনাচক্রে, যুদ্ধৰ পঞ্চম মাহত ৰুছ আক্ৰমণৰ অভিমুখ হৈছে ডনবাস । তাৰ মস্কো-পন্থী বিচ্ছিন্নতাবাদী গোষ্ঠীবোৰৰ সহায়তাত নতুনকৈ অভিযান আৰম্ভ কৰিছে পুটিন বাহিনীয়ে ।
পশ্চিমীয়া সংবাদমাধ্যমৰ খবৰ, বিগত কিছু সপ্তাহৰ ৰুছ আক্ৰমণৰ ফলত ডনবাস অঞ্চলত কিছু কোণ্ঠাসা হৈ পৰিছে ইউক্রেইন ফৌজ । এনে পৰিস্থিতিত জেলেনস্কিয়ে আমেৰিকাৰ পৰা ক্ষেপণাস্ত্র বিচাৰিছিল । কিন্তু জ’ বাইডেন চৰকাৰে জনায়, ৰাছিয়াৰ মূল ভূখণ্ডত আক্ৰমণ কৰিব পৰা কোনো ক্ষেপণাস্ত্র তেওঁলোকে ইউক্রেইনক নিদিয়ে ।
অৱশ্যে বুধবাৰে কিছু অৱস্থান সলনি কৰি বাইডেনে কয়, ‘‘ইউক্রেইনৰ আবেদন মানি আমি তেওঁলোকক সীমিত সংখ্যাত মজলীয়া জোখৰ ক্ষেপণাস্ত্র দিয়াৰ সিদ্ধান্ত লৈছো ।’’ ইয়াৰ পাছতেই ৰুছ বৈদেশিক মন্ত্রী ছের্গেই লাভৰভে কয়, ‘‘আমেৰিকাই এনে পদক্ষেপ ল’লে যুদ্ধৰ পৰিধি আৰু বিস্তৃত হ’ব ।’’