চিৰাঙৰ ঢালিগাঁও নামঘৰত চোৰৰ কুদৃষ্টি । নিশা হোৱা ধাৰাষাৰ বৰষুণৰ সুযোগ নেৰিলে চোৰে । নামঘৰৰ ছয়টাকৈ তলা ভাঙি লুটিলে ধন ।
নামঘৰৰ মণিকুট লণ্ডভণ্ড, ধৰ্মপুথি আদি ফালি তছনছ কৰিলে চোৰে । আটাইখিনি দান বাকচৰ পৰা লুটিনিলে ধন ।
অৱশ্যে কিমান ধন লুট হৈছে সেয়া জানিব পৰা হোৱা নাই । যিহেতু নামঘৰত দিয়া দানৰ ধন ভাদ মাহতহে গণনা হয় ।
নিশা নামঘৰত দুজন বাপ আছিল যদিও ধাৰাষাৰ বৰষুণত চোৰৰ উমান পোৱা নাছিল বাপসৱে । ইতিমধ্যে এই নামঘৰৰ চুৰি কাণ্ডৰ তদন্ত অব্যাহত ৰাখিছে ঢালিগাঁও থানা আৰক্ষীয়ে ।