বিশ্বনাথ জিলাৰ চতিয়া থানাৰ অন্তৰ্গত চতিয়া বহুৱাবাৰীৰ এজন কিশোৰ নিৰুদ্দেশ হোৱা ঘটনাই সমগ্ৰ অঞ্চলত চাঞ্চল্যৰ সৃষ্টি কৰিছে ৷ প্ৰাপ্ত খবৰ অনুসৰি, চতিয়া বহুৱাবাৰীৰ ৰাজা বৰা নামৰ কিশোৰ জন দেওবাৰে পুৱা প্ৰায় ১১ বজাত চতিয়া চেন্টাৰলৈ ওলাই অহে ৷ বহুপৰলৈ ঘৰত উভতি নহাত ঘৰৰ মানুহে বিচৰা আৰম্ভ কৰে যদিও কিশোৰজনৰ কোনো সম্ভেদ নাপালে ৷ সেয়ে কিশোৰজনৰ মাতৃয়ে আজি চতিয়া থানাত এই বিষয়ত এজাহাৰ দাখিল কৰে ৷
উল্লেখ্য যে চতিয়া জ্ঞান বিকাশ একাডেমীৰ নৱমমানৰ ছাত্ৰজন নিৰুদ্দেশ হোৱাৰ সময়ত হালধীয়া টি চাৰ্ট আৰু নীলা জিঞ্চৰ পেন্ট পৰিধান কৰি আছিল ৷ লগতে কোনো সদাশয় লোকে কিশোৰজনক দেখিলে ৯৯৫৪৪৪৫৩৫৭ নম্বৰত জনাবলৈ অনুৰোধ জনাইছে ৷