ট্রেইন বাতিল হোৱাত এজন ছাত্রক গাড়ী ভাৰা কৰি গন্তব্য ষ্টেচন পোৱালে ভাৰতীয় ৰেলে । গুজৰাটৰ একতানগৰৰ পৰা বডোদৰা যোৱা ট্রেইনৰ টিকিট কাটিছিল আইআইটি মাদ্রাজৰ এজন ছাত্রই । দুঘণ্টাৰ ৰাস্তা তেওঁক পথেৰেই পোৱাই দিয়া হয় ৰেলৰ তৰফৰ পৰা ।
প্ৰবল বৰষুণত গুজৰাটৰ বান পৰিস্থিতিত ৰেললাইনত পানী জমা হোৱাৰ বাবে বিভিন্ন ৰুটত ট্ৰেইন বাতিল কৰিবলগীয়া হৈছে । বুধবাৰেও একতানগৰৰ পৰা বডোদৰা যোৱা কে’বাখনো ট্রেইন বাতিল হয় । অৱশ্যে বৰষুণত ৰেললাইনত পানী জমা হৈ ট্রেইন বাতিল হোৱা ঘটনা নতুন নহয় । কিন্তু ইয়াৰ পূৰ্বে ট্রেইন বাতিল হোৱাৰ বাবে যাত্রীসকলক গাড়ীত গন্তব্য স্থানত পোৱাই দিয়াৰ ঘটনা ঘটিছে বুলি বিশেষ এটা শোনা নাযায় ।
যাত্রীসকলৰ প্রতি ভাৰতীয় ৰেলৰ এই কর্তব্যৰ কথা এটা ভিডিঅ’ কৰি জনাইছে ছাত্রজনে । নিজৰ পৰিচয় দি কয়, ‘‘মই মাদ্রাজ আইআইটিৰ এয়াৰস্পেছ বিভাগৰ ছাত্র । আজি ভাৰতীয় ৰেলৰ একতানগৰ আৰু বডোদৰা ষ্টেছনৰ ৰেল কর্মচাৰীসকলে মোক গন্তব্য স্থানত পোৱাই দিয়াত যিদৰে সহায় কৰিছে, তাত মই আপ্লুত ।’’
पश्चिम रेलवे के चाँदोद – एकता नगर रेल खंड के क्षतिग्रस्त होने के कारण रेल यातायात बंद होने से 20920 एकतानगर- एमजीआर चेन्नई सेंट्रल के एकता नगर – वडोदरा के बीच निरस्त होने के कारण इस ट्रेन के एकतानगर से एकमात्र यात्री को कार से वडोदरा पहुँचाया गया @WesternRly @RailMinIndia pic.twitter.com/6kzLaxCYwu
— DRM Vadodara (@DRMBRCWR) July 13, 2022
একতানগৰৰ পৰা বডোদৰাত গৈ তাৰ পৰা চেন্নাইলৈ যোৱা ট্রেইন ধৰাৰ কথা আছিল ছাত্রজনৰ । ২০৯২০ একতানগৰ-বডোদৰা ট্রেইনৰ যাত্রী আছিল তেওঁ । ছাত্রজনৰ ভিডিঅ’ টুইটাৰত শ্বেয়াৰ কৰিছে বডোদৰাৰ ডিআৰএম । তেওঁ লিখিছে, ‘একতানগৰৰ পৰা বডোদৰা যোৱা ট্রেইন ২০৯২০ নম্বৰ ট্রেইনৰ একমাত্র যাত্রী আছিল ছাত্রজন । ৰেলে তেওঁক তেওঁৰ গন্তব্য স্থানত পোৱাই দিয়াথ ব্যৱস্থা কৰিছে ।’ এই ভিডিঅ’ত ছাত্রজনকো কোৱা শোনা যায়, ‘‘ৰেলে যে প্রতিজন যাত্রীৰ প্রতি এনেদৰে দায়বদ্ধ, সেয়া এই সেৱাত স্পষ্ট ।’’