অসমৰ মুখ্যমন্ত্ৰীৰ প্ৰতিষ্ঠানিক বৃক্ষ ৰোপন আঁচনিৰ অংশ হিচাপে আজি পুৱা এক বিশেষ কাৰ্যসূচী ৰূপায়ণ কৰা হয় । এই কাৰ্যসূচীৰ অংশ হিচাপে কাহিলীপাৰাত থকা দশম অসম আৰক্ষী বেটেলিয়নৰ চৌহদত এশ জোপা গছপুলি ৰোপন কৰা হয় ।
উক্ত কাৰ্যসূচীত আৰক্ষী সঞ্চালকপ্ৰধান ভাস্কৰজ্যোতি মহন্তইও অংশগ্ৰহণ কৰে । কাৰ্যসূচীত গৃহ বিভাগৰ বিশেষ আয়ুক্ত প্ৰিতম শইকীয়া আৰু আৰক্ষী মহা পৰিদৰ্শক নিতুল গগৈও উপস্থিত থাকে ।
অনুষ্ঠানটোৰ আৰম্ভণিতে বাহিনীটোৰ অধিনায়ক নোমল মাহাত্তাই সকলোকে আদৰণি জনায় ।