তিনি দিন কৰ’নাৰ দৈনিক সংক্রমিতৰ সংখ্যা কমে যদিও বিগত ২৪ ঘণ্টাত ২০ হেজাৰ অতিক্ৰম কৰিছে । কেন্দ্রীয় স্বাস্থ্য মন্ত্রণালয়ে দিয়া ক’ভিড বুলেটিন অনুযায়ী, বিগত ২৪ ঘণ্টাত দৈনিক আক্রান্তৰ সংখ্যা বাঢ়ি হ’ল ২০,৫৫৭ । বুধবাৰে এই সংখ্যা আছিল ১৮,৩১৩ । দেশত দৈনিক সংক্রমণৰ ৰাজ্যভিত্তিক তালিকাত শীর্ষে আছে মহাৰাষ্ট্র আৰু কেৰালা ।
যোৱা ২৪ ঘণ্টাত দুই ৰাজ্যতেই দৈনিক আক্রান্তৰ সংখ্যাই দুই হেজাৰ অতিক্ৰম কৰিছে । মহাৰাষ্ট্রত দৈনিক সংক্রমিতৰ সংখ্যা ২,১৩৮ । কেৰালাত বিগত ২৪ ঘণ্টাত ক’ভিডত নতুনকৈ আক্রান্ত হৈছে ২,১৩০ । ইয়াৰ পাছতে আছে তামিলনাডু (১,৮০৩), কর্নাটক (১,৬২৪), পশ্চিমবংগ (১,২৭৩) আৰু ওড়িছা (১,১৭৪) । ৰাজধানীতো ক’ভিডত দৈনিক সংক্রমিতৰ সংখ্যা হেজাৰ অতিক্ৰম কৰিছে । বিগত ২৪ ঘণ্টাত দিল্লীত আক্রান্ত হৈছে ১,০৬৬ ।
পৰিসংখ্যা অনুযায়ী, বিগত ২৪ ঘণ্টাত দেশৰ দৈনিক সংক্রমণৰ হাৰ বাঢ়ি হ’ল ৬.৯১ শতাংশ । বুধবাৰে দৈনিক সংক্রমণৰ হাৰ আছিল ৪.৩১ শতাংশ ।
কেন্দ্রীয় স্বাস্থ্য মন্ত্রণালয়ৰ ক’ভিড বুলেটিন অনুযায়ী, বিগত ২৪ ঘণ্টাত ক’ভিডত আক্রান্ত হৈ মৃত্যু হৈছে ৪৫ জনৰ । বিগত ২৪ ঘণ্টাত কেৰালাত ১৩ জন কৰ’নাত আক্রান্ত হৈ মৃত্যু হৈছে । ইয়াৰ উপৰি মহাৰাষ্ট্রত আঠজন, পশ্চিমবংগত পাঁচজনৰ মৃত্যু হৈছে । কর্নাটক, দিল্লী, মধ্যপ্রদেশ, জম্মু আৰু কাশ্মীৰ, মণিপুৰ আৰু ত্রিপুৰাত দুজন আৰু অসম, ওড়িছা, ছত্তীছগঢ়, হিমাচল প্রদেশ, চণ্ডীগড়, ছিকিম আৰু নগালেণ্ডত ক’ভিডত আক্রান্ত হৈ এজনকৈ লোকৰ মৃত্যু হৈছে । বুধবাৰে এই সংখ্যা ছিল ৫৭ ।
পৰিসংখ্যা অনুযায়ী, ভাৰতত ক’ভিডত আক্রান্ত হৈ মৃতৰ সংখ্যা বাঢ়ি হ’ল পাঁচ লাখ ২৮ হেজাৰ ৭৭৫ । কেন্দ্রীয় স্বাস্থ্য মন্ত্রণালয়ৰ পৰিসংখ্যা অনুযায়ী, বিগত ২৪ ঘণ্টাত ক’ভিড আক্ৰান্ত হৈ ১৯,২১৬ জন লোক সুস্থ হৈছে । দেশ জুৰি সুস্থ হৈছে চাৰি কোটি ৩২ লাখ ৮৬ হেজাৰ ৭৮৭ জন ।