চাৰি দিন ধৰি দেশত কৰ’নাৰ দৈনিক সংক্রমণৰ লেখচিত্র নিম্নমুখী হৈ আছে । কেন্দ্রীয় স্বাস্থ্য মন্ত্রণালয়ে দিয়া ক’ভিড বুলেটিন অনুযায়ী, বিগত ২৪ ঘণ্টাত দৈনিক আক্রান্তৰ সংখ্যা কমি হৈছে ১৬,১৬৭ । দেওবাৰে এই সংখ্যা আছিল ১৮,৭৩৮ । দেশত দৈনিক সংক্রমণৰ ৰাজ্যভিত্তিক তালিকাত শীর্ষত দিল্লী । বিগত ২৪ ঘণ্টাত দিল্লীত দৈনিক আক্রান্তৰ সংখ্যা ২,৪২৩ । দৈনিক সংক্রমণৰ তালিকাত ৰাজধানীৰ পাছত আছে কর্নাটক (১,৮৩৭), মহাৰাষ্ট্র (১,৮১২), কেৰালা (১,১৫৮) ও তামিলনাডু (১,০৫৭) ।
বিগত ২৪ ঘণ্টাত দেশৰ দৈনিক সংক্রমণৰ হাল বাঢ়ি হ’ল ৬.১৪ শতাংশ । দেওবাৰে দৈনিক সংক্রমণৰ হাৰ আছিল ৫.০২ শতাংশ ।
কেন্দ্রীয় স্বাস্থ্য মন্ত্রণালয়ৰ পৰিসংখ্যা অনুযায়ী, বিগত ২৪ ঘণ্টাত ক’ভিড আক্ৰান্ত হৈ ১৫,৫৪৯ জন লোক সুস্থ হৈছে । দেশজুৰি সুস্থ হৈছে চাৰি কোটি ৩৪ লাখ ৯৯ হেজাৰ ৬৫৯ জন । বর্তমান সুস্থতাৰ হাৰ ৯৮.৫০ শতাংশ ।
কেন্দ্রীয় স্বাস্থ্য মন্ত্রণালয়ৰ ক’ভিড বুলেটিন অনুযায়ী, যোৱা ২৪ ঘণ্টাত ক’ভিড আক্রান্ত হৈ মৃত্যু হৈছে ৪১ জনৰ । ইয়াৰ ভিতৰত কেৰালাত মৃতৰ সংখ্যা সর্বোচ্চ । বিগত ২৪ ঘণ্টাত কেৰালাত ১৫ জন ক’ভিডত আক্রান্ত হৈ মৃত্যু হৈছে । ইয়াৰ উপৰি কর্নাটকত চাৰিজন, গুজৰাটত তিনিজন, পশ্চিমবংগ, দিল্লী, ওড়িছা, মধ্যপ্রদেশ, পঞ্জাৱ আৰু মণিপুৰত দুজন আৰু উত্তৰাখণ্ড, মেঘালয়, হাৰিয়ানা, ছত্তীছগঢ়, ৰাজস্থান, উত্তৰ প্রদেশ, মহাৰাষ্ট্রত এজনকৈ লোকৰ মৃত্যু হৈছে । দেওবাৰে এই সংখ্যা আছিল ৪০ ।
পৰিসংখ্যা অনুযায়ী, ক’ভিডত আক্রান্ত হৈ ভাৰতত মৃতৰ সংখ্যা বাঢ়ি হৈছে পাঁচ লাখ ২৯ হেজাৰ ২৯৩ । এই পর্যন্ত দেশত ২০৬ কোটি ৫৬ লাখ ৫৪ হেজাৰ ৭৪১ টিকাকৰণ হৈছে ।
