সীমান্ত সুৰক্ষা বাহিনীৰ (বিএছএফ) জোৱানে শনিবাৰে অসমৰ দক্ষিণ শালমৰা জিলাৰ মানকাচাৰত অবৈধভাৱে আন্তঃৰাষ্ট্ৰীয় সীমান্ত অতিক্ৰম কৰাৰ পাঁচজন বাংলাদেশী নাগৰিকক আটক কৰে বি এছ এফে ৷ ধৃত বাংলাদেশী নাগৰিক কেইজন হ’ল বাংলাদেশৰ গাইবন্ধা জিলাৰ বাসিন্দা সুৰজ মিঞা, জাহিদুল ইছলাম, জাহিদুল ৰহমান, আব্দুল ছালাম আৰু ময়দুল ইছলাম বুলি চিনাক্ত কৰা হৈছে । অৱেশ্যে পিছত দুয়োদেশৰ সীমান্ত আৰক্ষীৰ ফ্লেক মিটিং অন্তত মানবীয় ভিত্তিত বাংলাদেশ সীমান্ত ৰক্ষীৰ হাতত গতাই দিয়ে বিএছএফে ৷
উল্লেখ্য যে চলিত মাহৰ ১৮ আগষ্টত দুই বাংলাদেশী আব্দুল হাই আৰু নিৰঞ্জন ঘোষক সীমান্তৰে ভাৰতভূমিত অবৈধভাৱে প্ৰৱেশ কৰাৰ সময়তে বিএছ এফে আটক কৰে ৷ আটকাধীন দুয়োকে দক্ষিণ শালমৰা জিলা আৰু সত্ৰ আদালতত হাজিৰ কৰাৰ পিছত আদালতে ধৃত দুয়োকে পাঁচ বছৰৰ কাৰাদণ্ড বিহাৰ লগতে দুয়োজনকে দহহাজাৰ টকাৰ জৰিমনা বিহে ৷জৰিমনা পৰিশোধত বিফল হ’লে অতিৰিক্তভাৱে ছয় মাহৰ কাৰাবাস খাটিব লাগিব বুলি আদালতে নিৰ্দেশনা জাৰি কৰে ।
মানকাচাৰত অবৈধভাৱে সীমান্ত অতিক্ৰম কৰা পাঁচ বাংলাদেশীক আটক বিএছ এফৰ
![Assam News Today | মানকাচাৰত অবৈধভাৱে সীমান্ত অতিক্ৰম কৰা পাঁচ বাংলাদেশীক আটক বিএছ এফৰ - Dainik Agradoot | WhatsApp Image 2022 08 28 at 2.29.14 PM](https://i0.wp.com/dainikagradoot.in/wp-content/uploads/2022/08/WhatsApp-Image-2022-08-28-at-2.29.14-PM.jpeg?fit=591%2C477&ssl=1)