কোনো বহিৰাগত নেতাৰ শোষণ নামানে কমতাপুৰ লিবাৰেছন অৰ্গানাজেছন চমুকৈ কেএলঅ’ৰ সেনাধ্যক্ষ জীৱন সিঙহই । আজি সংবাদ মাধ্যমলৈ নিজ মাতৃভাষা কোঁচৰাজবংশী ভাষাৰ অডিঅ’ বাৰ্তাত এই অভিযোগ উত্থাপন কৰে ।
কেএলঅ’ৰ সেনাধ্যক্ষ জীৱন সিংহই কয় যে পশ্চিমবংগৰ মুখ্যমন্ত্ৰী মমতা বেনাৰ্জী ৰাজবংশী জনজাতিৰ বিৰুদ্ধে একপক্ষীয়ভাৱে দমন নীতি চলাইছে পশ্চিমবংগত । এই দমন নীতি আৰু বহিৰাগত নেতাৰ শোষণ নামানে বুলিও প্ৰকাশ কৰে কেএলঅ’ অধ্যক্ষ জীৱন সিঙহই ।
উক্ত অডিঅ’ বাৰ্তাতেই কয় যে কোচ কামতাপুৰিৰ এই স্থান কোচবিহাৰ বা কামতাপুৰ, যি নামেই নামাকৰণ নহওক কিয় কাৰো দমন পিৰণ মানি লোৱা নহ’ব । কেন্দ্ৰীয় চৰকাৰ কোচবিহাৰ নামৰ ৰাজ্য পাতিবলৈ সাজু । এই স্থানৰ প্ৰায় সকলো জাতি জনগোষ্ঠী পৃথক ৰাজ্য গঠনত পক্ষপাতী । এই ক্ষেত্ৰত মমতা চৰকাৰৰ স্বীকৃতি বা বাধা দিবলৈ কোন বুলিও প্ৰশ্ন উত্থাপন কৰে ।
কলকাতা চৰকাৰ কোচবিহাৰ বা কামতাপুৰৰ শত্ৰু বুলিও উল্লেখ কৰে । লগতে কয় যে কলকাতা চৰকাৰ সামৰাজ্যবাদী, শাসকৰ দল, সাম্প্ৰদায়িক, ৭৫ বছৰ ধৰি কোচ কমতাপুৰৰ জনগনৰ ওপৰত দমন, নিপীৰণ নীতি চলাই আহিছে । কোচ কমতাপুৰৰ জনগন মমতাৰ ছাঁ চাব নিবিচাৰে । কোচ কমতাপুৰত আমাৰ বিৰুদ্ধে ষড়যন্ত্ৰ কৰিলে আমি আক্ৰমণ কৰিম, আমি ছাৰখাৰ কৰি দিম, আমি যুদ্ধ কৰিম বুলিও সকীয়নি দিয়ে ।