শুকুৰবাৰে মুক্তি পালে ৰণবীৰ কাপুৰ আৰু আলিয়া ভট্ট অনিনিত ছবি ব্রহ্মাস্ত্র । ছাই-ফাই ছবিখনক দর্শকসকল চৰম উৎসাহিত আছিল । অয়ন মুখোপাধ্যায়ে পৰিচালনা কৰা এই ছবিয়ে প্রথম দিনাই আয় কৰিলে ৩৫-৩৬ কোটি টকা । ৰণবীৰৰ সঞ্জুৰ ৰেকর্ডো ভংগ কৰিলে এই ছবিয়ে । যাৰ ২০১৮ত মুক্তিৰ দিনা আয় আছিল ৩৪.৭৫ কোটি ।
মুঠ পাঁচটা ভাষাত মুক্তি পায় ব্রহ্মাস্ত্র – হিন্দী, তামিল, তেলেগু, কানাড়া আৰু মালয়ালাম । শুকুৰ-শনি-দেও মিলাই ৬০ কোটিৰো অধিক এডভান্স বুকিং হৈছে । যদিও কিছু শংকা আছিল সমগ্ৰ টিম । ৰণবীৰে কৈছিল, প্রি-বুকিঙৰ ওপৰত তেওঁ বিশেষ ভৰসা নাই । কাৰণ, দর্শকসকলে এতিয়াও ছবিখন চোৱা নাই । সেয়ে হয়তো যিকোনো সময়ত খেলা উলোটা হৈ যাব পাৰে ।
Boxofficeindia.com-ৰ প্ৰতিবেদন অনুসৰি ব্রহ্মাস্ত্রই ব্যৱসায় কৰিছে সৰ্বমুঠ ভাষা মিলাই ৩৫-৩৬ কোটি । প্ৰতিবেদনত প্ৰকাশ হিন্দী ভাৰ্ছনে আয় কৰিছে প্ৰায় ৩২-৩৩ কোটি । শনি আৰু দেওবাৰ মিলাই ছবিখনৰ বিশ্বব্যপী আয় ৮-১০ মিলিয়ন হৈ যাব বুলি আশা কৰা হৈছে ।
বন্ধৰ দিনা মুক্তি পাই সৰ্বাধিক আয় কৰিছিল এছএছ ৰাজামৌলিৰ ‘বাহুবলি ২’য়ে । আয় আছিল ৪১ কোটি । এই ছবি তেলেগু আৰু তামিলত নিৰ্মাণ কৰা হৈছিল আৰু হিন্দীত ডাবিং হৈছিল ।
যদিও চলচ্চিত্র সমালোচকসকলৰ পৰা মিশ্র প্রতিক্রিয়া পাইছে ‘ব্রহ্মাস্ত্র’ই ।