TODAY আজিৰ পৰা পাঁচদিনীয়াকৈ আৰম্ভ হোৱা বিধানসভাৰ শৰৎকালীন অধিৱেশনৰ প্ৰথম দিনটোত সদনত স্থান পালে চাধাৰ প্ৰসংগই ৷বিগত বিধানসভাত এজন মন্ত্ৰীয়ে গোপনে চাধা মাৰি থকা দৃশ্যই ব্যাপক চৰ্চা লাভ কৰাৰ পিছত আজি পুনৰ ওলাল চাধাৰ প্ৰসংগ । এই প্ৰসংগত ভাগ লৈ খুমটাইৰ বিধায়ক মৃণাল শইকীয়াই সদনত একপ্ৰকাৰ শপত খাই কৈয়ে পেলালে আজিৰ পৰা কেতিয়াও চাধা নোখোৱাৰ কথা ৷ আনহাতে নিজে চাধা এৰাৰ কথা ঘোষণা কৰাৰ মাজতে বহু কেইগৰাকী বিধায়কেও চাধা আৰু গুটকা খাই বুলি সদৰি কৰে ৷ অৱশ্যে বিধায়ক কেইজনৰ নাম কোৱাৰ পৰা বিৰত থাকে শইকীয়াই ৷
উল্লেখ্য যে ৰাজ্যত ক্ৰমাগতভাৱে বৃদ্ধি পোৱা কৰ্কট ৰোগীৰ সংখ্যা উদ্বেগৰ বিষয় হৈ পৰিছে ৷ এনেক্ষেত্ৰত সকলোৱে চাধা- গুটকা এৰিব লাগে বুলি আহ্বান জনাই ৰসিকতাৰে গুটকাৰ বিৰুদ্ধে এই মজিয়াৰ পৰা আন্দোলনৰ আৰম্ভণি কৰাৰ কথা ঘোষণা কৰে খুমটাইৰ বিধায়ক গৰাকীয়ে ৷