দেশজুৰি বিগত ২৪ ঘণ্টাত কৰ’নাত দৈনিক সংক্রমিতৰ সংখ্যা সামান্য বাঢ়িলেও চাৰি হেজাৰৰ ঘৰতেই আছে । কেন্দ্রীয় স্বাস্থ্য মন্ত্রণালয়ে দিয়া ক’ভিড বুলেটিন অনুযায়ী, যোৱা ২৪ ঘণ্টাত কৰ’নাত দৈনিক সংক্রমিতৰ সংখ্যা ৪,৫১০ । মঙলবাৰে এই সংখ্যা আছিল ৪,০৪৩ ।
ৰাজ্যভিত্তিক দৈনিক ক’ভিড সংক্রমণৰ শীর্ষত আছে কেৰালা । বিগত ২৪ ঘণ্টাত কেৰালাত দৈনিক সংক্রমিতৰ সংখ্যা ১,৪৮৩ । দৈনিক সংক্রমণৰ তালিকাত ইয়াৰ পাছতে আছে মহাৰাষ্ট্র (৫৫০), তামিলনাডু (৪৯৬), কর্নাটক (৩৬৮) আৰু পশ্চিমবংগ (২৯৬) ।
কেন্দ্রীয় স্বাস্থ্য মন্ত্রণালয়ৰ ক’ভিড বুলেটিন অনুযায়ী, বিগত ২৪ ঘণ্টাত ক’ভিড আক্রান্ত হৈ ১৪ জনৰ মৃত্যু হৈছে । ৰাজস্থানত তিনিজন, মহাৰাষ্ট্র আৰু কর্নাটকত দুজন আৰু উত্তৰ প্রদেশ, পশ্চিমবংগ, দিল্লী, ছত্তীছগঢ়, পঞ্জাৱ, পুদুচেৰী আৰু জম্মু আৰু কাশ্মীৰত এজন ব্যক্তি ক’ভিডত আক্রান্ত হৈ মৃত্যু হৈছে ।
তদুপৰি কেৰালাত কৰ’নাত আক্রান্ত হৈ ১৯ জনৰ আগতে মৃত্যু হৈছিল যিটো তালিকাত পাছত নথিভুক্ত কৰা হৈছে । মঙলবাৰে এই সংখ্যা আছিল ন । দেশত এই পর্যন্ত পাঁচ লাখ ৩০ হেজাৰ ৭৯৬ জন লোক ক’ভিডত আক্রান্ত হৈ মৃত্যু হৈছে ।
পৰিসংখ্যা অনুযায়ী, যোৱা ২৪ ঘণ্টাত দেশৰ দৈনিক সংক্রমণৰ হাৰ সামান্য কমি হ’ল ১.৩৩ শতাংশ । মঙলবাৰে দৈনিক সংক্রমণৰ হাৰ আছিল ১.৩৭ শতাংশ ।
কেন্দ্রীয় স্বাস্থ্য মন্ত্রণালয়ৰ পৰিসংখ্যা অনুযায়ী, বিগত ২৪ ঘণ্টাত ক’ভিড আক্ৰান্ত হৈ ৫,৬৪০ জন সুস্থ হৈছে । দেশজুৰি সুস্থ হৈছে চাৰি কোটি ৩৯ লাখ ৭২ হেজাৰ ৯৮০ জন । বর্তমান সুস্থতাৰ হাৰ ৯৮.৭১ শতাংশ ।