সমগ্ৰ দেশজুৰি আজি পপুলাৰ ফ্ৰণ্ট অৱ ইণ্ডিয়া’(পি এফ আই)ৰ বিৰুদ্ধে নিয়াই যোবাহনিশাৰে পৰা মাৰাথন অভিযান অব্যাহত ৰখাৰ সমান্তৰালকৈ গুৱাহাটীটো চলাই ব্যাপক অভিযান ৷
মহানগৰীৰ হাতীগাঁৱত থকা পি এফ আই কাৰ্যালয়ত নিয়াই অভিযান চলোৱাৰ পিছত সিজুবাৰীৰ পৰা গ্ৰেপ্তাৰ কৰে পি এফ আইৰ অসম ৰাজ্যিক সভাপতিজনক। ধৃত নেতাজনৰ নাম আমিনুল হক । আমিনুল হকৰ ঘৰ কামৰূপ জিলাৰ ছয়গাঁৱৰ গৰৈমাৰী টুক্ৰাপাৰাত। একেদৰে দিছপুৰৰ পৰা ফৰহাদ আলী আহমেদ নামৰ আন এজন পি এফ আই কৰ্মক গ্ৰেপ্তাৰ কৰে নিয়াই ৷
আনহাতে কামৰূপ গ্ৰাম্য জিলাৰ নগৰবেৰাৰ চাৰি পিএফ আই নেতা ক্ৰমে হাফিজ ৰফিকুল ইছলাম, বছিৰ আহমেদ,নজৰুল ইছলাম ভূঞা আৰু ৰবিউল হুছেইনক গ্ৰেপ্তাৰ কৰা হয় ৷ গ্ৰেপ্তাৰ হোৱা ৰবিউল হুছেইন পি এফ আইৰ অসম প্ৰদেশ জোটৰ সাধাৰণ সম্পাদক হিচাপে কাৰ্যনিৰ্বাহ কৰি আছিল ৷
উল্লেখ্য যে দেশৰ তেৰখনকৈ ৰাজ্যত পি এফ আইৰ বিৰুদ্ধে নিয়াই অভিযান চলাই এই পৰ্যন্ত এশৰো নেতা- কৰ্মীক গ্ৰেপ্তাৰ কৰিবলৈ সক্ষম হয় ৷ পিএফ আইৰ ৰাষ সভাপতি এম এ আব্দুল ছালামৰ কেৰেলাস্থিত বাসগৃহটো আজি মাজ নিশাৰ পৰা নিয়াৰ দলে তালাচী অভিযান অব্যাহত ৰাখিছে ৷ নিয়াৰ অভিযোগ পি এফ আই – এ ৰাষ্ট্ৰবিৰোধী শক্তিৰ সৈতে মিলিত হৈ কাম কৰি আছে ৷