US DOLLAR : বৃহস্পতিবাৰে পুনৰ ডলাৰৰ বিপৰীতে ভাৰতীয় টকাৰ পতন হয় ৷ ভাৰতীয় টকাৰ মূল্য অধিক হ্ৰাস হোৱাৰ সম্ভাৱনা আছে কিয়নো আমেৰিকা যুক্তৰাষ্ট্ৰৰ ফেডাৰেল ৰিজাৰ্ভ বেংকে মুদ্ৰাস্ফীতিৰ বিৰুদ্ধে যুঁজিবলৈ অতিৰিক্ত আৰু অধিক আক্ৰমণাত্মক হাৰ বৃদ্ধিৰ ইংগিত দিয়ে ৷ টকাৰ মূল্য পূৰ্বৱৰ্তী ৭৯.৯৭ ৰ পৰা হ্ৰাস হৈ প্ৰতি আমেৰিকান ডলাৰত ৮০.২৮ ৰ হয়। ইউএছ ফেডে প্ৰকাশ কৰা অনুসৰি সূতৰ হাৰ ৭৫ বেছিছ পইণ্ট বৃদ্ধি কৰে আৰু ভৱিষ্যতে বৃদ্ধিৰে ২০২৪ লৈকে উচ্চ হৈ থাকিব বুলি ইংগিত দিয়ে।
এছিয়াৰ মুদ্ৰাৰ দুৰ্বল হোৱাৰ লগে লগে চীনা ইউয়ান ডলাৰত ৭.১০ ৰ তললৈ হ্ৰাস পাইছিল। ফিনৰেক্স ট্ৰেজাৰী এডভাইজাৰৰ কোষাগাৰৰ মুৰব্বী অনিল ভাঞ্চালীয়ে এই সম্পৰ্কত কয়, “আক্ৰমণাত্মক ফেডাৰেল ৰিজাৰ্ভৰ মন্তব্যৰ পিছত টকা মুল্য আৰু কমি যোৱাৰ সম্ভাৱনা নুই কৰিব নোৱাৰি ৷ (
আনহাতে কোৱাণ্টাৰ্ট মাৰ্কেট ছলিউশ্বনৰ পৰিচালন সঞ্চালক সমীৰ লোধাৰ মতে, ভাৰতীয় ৰিজাৰ্ভ বেঙ্কে পিছপৰা পদক্ষেপ ললে টকাৰ অধিক অৱনতি ঘটিব। তেওঁ কয়, “এবাৰ ভাৰতীয় ৰিজাৰ্ভ বেঙ্কে আইএনআৰক ধাৰাবাহিকভাৱে ৮০-ৰ অধিক ব্যৱসায় কৰিবলৈ অনুমতি দিয়াৰ পিছত, মই আশা কৰো যে বাণিজ্য ঘাটিৰ বাবে আৰু বিশ্বব্যাপী মন্দাৱস্থা আৰু ধন যোগান কঠোৰ হোৱাৰ বাবে কেইমাহমানৰ ভিতৰত টকা ৮২.০ লৈ যাব ।”
ৰকফৰ ফিনকেপৰ প্ৰতিষ্ঠাপক আৰু পৰিচালনা অংশীদাৰ ভেঙ্কটেশ শ্ৰীনিবাসনে ভৱিষ্যতবাণী কৰিছিল যে প্ৰয়োজন হ’লে ইয়াক পৰিচালনা কৰাৰ বাবে ভাৰতীয় ৰিজাৰ্ভ বেঙ্কৰ পদক্ষেপৰ সৈতে টকাৰ মূল্য হ্ৰাস হৈ থাকিব লাগিব ।
ইপিনে এছ.এম.চি. গ্লোবেল চিকিউৰিটিজৰ এফ.এক্স.-ৰ মুৰব্বী অৰ্ণৱ বিশ্বাসে বিশ্বাস কৰে যে এইবাৰ আৰ.বি.আই.-ৰ যিকোনো হস্তক্ষেপ কম শক্তিশালী হ’ব। “ফেডৰ কঠোৰ দিশটো বিবেচনা কৰি আৰবিআই আক্ৰমণাত্মক নহ’ব পাৰে। প্ৰণালীটোত মুঠ তৰলতা যথেষ্ট হ্ৰাস হোৱাৰ ওপৰত এনে কৰাৰ প্ৰমাণ থাকিব পাৰে।”
ভাৰতীয় টকাৰ পতনে আগন্তুক দিনত দেশৰ অৰ্থনীতিৰ ব্যাপক প্ৰভাৱ পেলাব৷সেইয়া নিশ্চিত ৷