ভাৰত চৰকাৰৰ উত্তৰ-পূৱ উন্নয়ন মন্ত্রণালয়ৰ হিন্দী উপদেষ্টা সমিতিৰ সভা আজি দিনৰ ১১ বজাত দিল্লীৰ বিজ্ঞান ভৱনত উত্তৰ-পূৱ উন্নয়ন মন্ত্রী কিষাণ ৰেড্ডিৰ সভাপতিত্বত অনুষ্ঠিত হয় ৷ বৈঠকত উপস্থিত থাকে উত্তৰ-পূৱ ভাৰতৰ লোকসভা সাংসদ পল্লভ লোচন দাস, ৰেৱতী ত্রিপুৰা, অসম ৰাষ্ট্রভাষা প্রচাৰ সমিতিৰ মন্ত্রী ড° ক্ষীৰদা কুমাৰ শইকিয়া আৰু শিলচৰৰ প্রবীণ সাংবাদিক আৰু সমাজকর্মী দিলীপ কুমাৰ ।
উল্লেখ্য যে কেন্দ্রীয় চৰকাৰৰ চৰকাৰী ভাষা নীতিৰ অধীনত, কেন্দ্রীয় চৰকাৰৰ মন্ত্রণালয়ত/বিভাগৰ অফিচিয়েল কাৰ্যত চৰকাৰী ভাষা হিন্দীৰ ব্যৱহাৰ বৃদ্ধি কৰিবৰ বাবে আৰু ইয়াৰ স’তে সম্পর্কিত বিষয়সমূহৰ সন্দৰ্ভত আলোচনা কৰিবৰ বাবে হিন্দী উপদেষ্টা কমিটী গঠন কৰা হৈছে । যিয়ে কেন্দ্রীয় চৰকাৰৰ মন্ত্রণালয়ৰ/ বিভাগৰ অধীনস্থ অফিচিয়েল কাৰ্যত হিন্দী ব্যৱহাৰৰ অৱস্থা, হিন্দী চিঠি-পত্র, হিন্দী কর্মশালাত/ছেমিনাৰৰ আয়োজন, কম্পিউটাৰত দ্বিভাষিকতাৰ স্থিতি, বিষয়া/কর্মচাৰীসকলৰ অফিচিয়েল ভাষা হিন্দী জ্ঞানৰ অৱস্থা ইত্যাদি অন্তর্ভুক্ত হয় ।
সভাত প্রধানতঃ উপৰোক্ত বিষয়সমূহ আলোচনা কৰা হয় আৰু উত্তৰ-পূর্বাঞ্চলৰ উন্নয়ন মন্ত্রনালয় আৰু ইয়াৰ অধীনস্থ দপ্তৰত অফিচিয়েল কাৰ্যত চৰকাৰী ভাষা হিন্দীৰ ব্যৱহাৰ বৃদ্ধি কৰাৰ বিষয়ত সদস্যসকলৰ পৰামর্শ লয় ।
বৈঠকত গৃহীত সিদ্ধান্তৰ বিষয়ত পর্যালোচনা কৰা হয় । তদুপৰি চৰকাৰী ভাষা নীতিৰ পালন সন্দৰ্ভত পর্যালোচনা কৰা হয় ।