Lachit Nagar :
সদাব্যস্ত মহানগৰৰ পদপথত অসুৰক্ষিত পথৰুৱা ৷ যিকোনো মুহূৰ্ততে আক্ৰমণৰ সন্মুখীন হ’ব পাৰে পদপথেদি যোৱা লোক ৷
মঙলবাৰে জিএছ ৰোডৰ লাচিত নগৰত সংঘটিত হ’ল এক অঘটন ৷ পথৰ কাষতে থকা হনুমান মন্দিৰত সমীপতে বহি আছিল একাংশ লোক ৷
সেই সময়তে পদপথেদি গৈ থকা এজন মানসিক বিকাৰগ্ৰস্ত যুৱকে হঠাতে হাতত লৈ থকা চোকা অস্ত্ৰৰে এগৰাকী পদপথৰ লোকক কোনো কথাৰ অৱতাৰণা নকৰাকৈ আক্ৰমণ কৰে ৷ যুৱকৰৰ প্ৰহাৰত ডিঙিত আঘাতপ্ৰাপ্ত লোক জন পদপথত ঢলি পৰে ৷
গুৰুত্বৰভাৱে আঘাতপ্ৰাপ্ত লোকজনক ততাতৈয়াকৈ ভৰ্তি কৰা হয় জি এম চি এইছত ৷ আনহাতে ঘটনা সংঘটিত কৰিয়ে সেই স্থান ত্যাগ কৰে মানসিক বিকাৰগ্ৰস্ত যুৱকজনে ৷
পিছত পল্টন বজাৰ আৰক্ষী উপস্থিত হৈ যুৱক জনৰ সন্ধানত অভিযান আৰম্ভ কৰিছে যদিও সন্ধান উলিয়াবলৈ সক্ষম হোৱা নাই ৷