Food :
বহুতেই বহু কষ্ট কৰিও ঠিকমতে ৰুটি বনাব নোৱাৰে । আচলতে আটা মঠাৰ ওপৰতে সকলো নিৰ্ভৰ কৰে । বহুতৰে আকৌ ৰুটিখন ধুনীয়াকৈ ফুলি উঠে যদিও কিছু সময়ৰ পিছত মৰহি যোৱা দেখা যায় । সেইয়েহে আজি আমি আপোনালোকক বহু দেৰিলৈকে ৰুটি কোমল কৰি ৰখাৰ কৌশল অৱগত কৰিম ।
১/ ভুচিযুক্ত আটা ব্যৱহাৰ কৰিলে ৰুটি নৰম হৈ থাকে । যিহেতু ভুচিযুক্ত আটাত প্ৰচুৰ পৰিমাণে ফাইবাৰ থাকে । আটা মঠাৰ আগতে অলপ নিমখ দি এচামুচ তেল দি মঠিব লাগে ।
২/ আটা সদায় কুহুমীয়া গৰম পানীৰে মঠিব লাগে । গৰম পানী দি আটা মঠিলে ৰুটিখন কোমল হয় আৰু এই ৰুটিৰ সোৱাদো ভাল হয় ।
৩/ আটা খুব বেছি শক্তি প্ৰয়োগ কৰি মঠিব নেলাগে । আৰু খুব বেছি নৰম কৰিও মঠিব নেলাগে । যদি আটা মাৰোতে আঙুলিত আটা লাগি নাহে , তেতিয়া জানিব যে , আপোনাৰ আটা মঠাটো ভাল হৈছে ।
৪/ আটা মঠা হ’লে অন্তত ১৫ মিনিট ঢাকোন মাৰি থৈ দিয়ক । অৱশ্যে খুব বেছি সময় ৰাখিব নেলাগে । বেছি সময় ৰাখিলে আটা বেলিবলৈ অসুবিধা হয় । নিৰ্দিষ্ট সময়ৰলৈকে ৰাখিলে ৰুটিখনো বহু দেৰিলৈকে কোমল হৈ থাকে ।
৫/ ৰুটী সদায় পাতলকৈ বেলিব লাগে । পাতলকৈ বেলা ৰুটি ভালকৈ ফুলাৰ লগতে বহু সময়ৰলৈকে কোমল হৈ থাকে ।
৬/ টাৱাখন ৰুটি সেকাৰ বহু সময়ৰ আগতে গৰম কৰি ৰাখিব লাগে । আচলতে টাৱাখন দুয়ো ফালে গৰম কৰিব লাগে । এনে কৰিলে ৰুটি কেতিয়াও জালি ব্যৱহাৰ নকৰাকৈ ফুলি উঠিব ।
৭/ ৰুটী কেতিয়াও দুবাৰ সেকিব নেলাগে । তেনে কৰিলে ৰুটিখন টান হৈ যোৱাৰ সম্ভাৱনা থাকে ।
৮/ ৰুটি সেকা হ’লে টাৱাত সামান্য পানী চটিয়াই ৰুটিখন ভিজাই ৰাখিব লাগে । পিছত হটকেছত ভালকৈ ঢাকোন লগাই থৈ দিব লাগে । এনে কৰিলে ৰুটী কেতিয়াও টান নহয় ।
৯/ ৰুটি সেকা হ’লে পাত্ৰত এখন তিতা কাপোৰ ৰাখি তাৰ ওপৰত ৰুটি কেইখন ৰাখিব লাগে । তেতিয়াও ৰুটি বহু দেৰিলৈকে কোমল হৈ থা