Ayurveda Congress :
বিশ্বৰ আগত চিকিৎসাৰ বৈদিক পদ্ধতি দাঙি ধৰিবলৈ গোৱাত (Goa) আৰম্ভ হৈছে ‘ৱর্ল্ড আয়ুর্বেদ কংগ্রেছ আৰু ‘আৰোগ্য এক্সপ’, আঠৰ পৰা ১১ ডিচেম্বৰলৈ ।
য’ত কেৱল ইতিহাসে নহয়, ‘ছায়েন্টিফিক পেপাৰ’-ৰ আৰ্হিত দাঙি ধৰা হ’ব আয়ুর্বেদৰ শতাধিক সাফল্যৰ গল্প ।
আয়ুর্বেদৰ জৰিয়তে কোন ৰোগমুক্তি হৈছে, তাৰ দীঘলীয়া তালিকা উপস্থাপিত হ’ব । ভেষজ গছৰ পৰা বৈদিক পাণ্ডুলিপিৰ সংৰক্ষণ, ঔষধ প্ৰস্তুত কৰাৰ পৰা ক্লিনিকেল ট্রায়েলৰ পদ্ধতি সকলোবোৰৰ বিষয়ত তিনিদিনীয়া আলোচনাচক্ৰ চলিব ।
আয়োজক ৱর্ল্ড আয়ুর্বেদ ফাউণ্ডেছশন আৰু আয়ুষ মন্ত্রণালয়ৰ সংগী হ’ব বিশ্ব স্বাস্থ্য সংস্থা (হু) । পশ্চিম বংগৰ প্রতিনিধিসকলো উপস্থিত থাকিব । আয়ুষ মন্ত্রণালয় সূত্রে এই তথ্য জানিব পৰা গৈছে ।
এয়া যেন আয়ুর্বেদৰ মহাযজ্ঞ (Ayurveda Congress) । ইপিনে পেনেল ডিছকাছন, আনহাতে শতাধিক গৱেষণাপত্রৰ উপস্থাপন । বিদেশত প্ৰস্তুত আয়ুর্বেদৰ সাফল্যকাহিনীও লিখা হ’ব এই কংগ্রেছত ।
আয়ুর্বেদৰ অগ্রগতি আৰু পৰম্পৰাক লৈ চুটি ছবি মহাসন্মিলন অনুষ্ঠিত হ’ব । গোৱাৰ পানজিমত আয়োজিত ৱর্ল্ড আয়ুর্বেদ কংগ্রেছত উপস্থিত থকাৰ সম্ভাৱনা প্রধানমন্ত্রী নৰেন্দ্র মোদীৰ ।
উপস্থিত থাকিব আয়ুষ মন্ত্রী সর্বানন্দ সোনোৱাল, কেন্দ্রীয় আয়ুষ সচিব বৈদ্য ৰাজেশ কোটেচা, বায়’টেকনোলজি মন্ত্রণালয়ৰ সচিব ডা: ৰাজেশ গোখলে, বিজ্ঞান আৰু প্রযুক্তি মন্ত্রণালয়ৰ সচিব শ্রীভাৰী চন্দ্রশেখৰ, ফার্মাচিউটিকেল মন্ত্রণালয়ৰ সচিব এছ অপর্ণা ।
নীতি আয়োগথ সদস্যসকলো উপস্থিত থাকিব । তদুপৰি আইআইটি দিল্লী, আইআইটি যোধপুৰ, জেএনইউ-ৰ দৰে দেশবৰেণ্য একাধিক প্রতিষ্ঠানৰ বিষয়া, অধ্যাপক আৰু বিজ্ঞানীসকলো উপস্থিত থাকিব ।
জয়পুৰৰ নেছনেল ইনষ্টিটিউট অৱ আয়ুর্বেদৰ অধ্যাপক মিতা কোটেচা, দিল্লীৰ অল ইণ্ডিয়া ইনষ্টিটিউট অৱ আয়ুর্বেদৰ অধ্যাপক তনুজা নেছাৰি, ডা: ৰাজাগোপালা এছ, বেনাৰছ হিন্দু ইউনিভাৰ্চিটিৰ ডা: অনুৰাগ পাণ্ডে । জামনগৰৰ আইপিজিপিটি-ৰ বিষয়াসকলো থাকিব ।
‘হু’-ৱে পূৰ্বেই আয়ুর্বেদক মান্যতা দি দিল্লীত গ্ল’বেল চেন্টাৰ তৈয়াৰ কৰাৰ সেউজ সংকেত দিছে । গোৱাৰ অনুষ্ঠানতো থাকিব হু-ৰ একাধিক প্রতিনিধি ।
নেপাল, শ্রীলংকা, ইন্দোনেছিয়া, মালদ্বীপসহ একাধিক দেশৰ প্রতিনিধিসকলো উপস্থিত থাকিব । লিপিৱদ্ধ হোৱা আয়ুর্বেদ সাফল্যৰ কাহিনীৰ লগতে, শেহতীয়াকৈ উদ্ধাৰ হোৱা আয়ুর্বেদ পাণ্ডুলিপিৰ নমুনাও জনসমক্ষত অনা হ’ব ।
বৈদিক আহাৰ, আয়ুর্বেদে কেনেদৰে অতিমাৰীৰ বিৰুদ্ধে যুঁজ দিবলৈ কাম কৰিছে, পশু চিকিৎসাত আয়ুর্বেদৰ ব্যৱহাৰ-এই সকলোবোৰ বিষয়তো মাৰাথন পর্ব থাকিব ।
লগতে, আয়ুর্বেদৰ ব্যৱসায়ৰ সম্ভাৱনাৰ কথাও দাঙি ধৰা হ’ব দেশ-বিদেশৰ আগত । চাৰে চাৰি হেজাৰ অতিথি আৰু প্রায় তিনি লাখ লোকে অংশগ্ৰহণ কৰিব এই কংগ্রেছত ।