উল্লেখ্য যে থাইলেণ্ডকে ধৰি বিভিন্ন দেশৰ মহিলা পৰ্যটক সকলক শোভৰাজে ড্ৰাগছ সেৱন কৰাই হত্যা কৰাৰ অভিযোগ উদ্থাপিত হৈছিল ৷তেওঁ হত্যা কৰাৰ অধিকাংশ যুৱতীয়ে বিকিনি পিন্ধা অৱস্থাত আছিল ৷ যাৰবাবে তেওঁক ‘The Splitting Killer’ হিচাপে পৰিচিত হৈ পৰিছিল ৷
প্ৰতিটো হত্যাকাণ্ড অতি পৰিকল্পিতভাৱে সংঘটিত কৰি আৰক্ষীৰ চকুত ধূলি দি উধাও হয় ৷ ৭০-৮০ দশকত থাইলেণ্ড সহ দক্ষিণ পূৰ্ব দেশ সমূহৰ বাবে মুৰৰ কামোৰণি হৈ পৰা শোভৰাজক কৰায়ত্ত কৰিবলৈ নানান সুপৰিকল্পিত বেহু ৰচনা আৰক্ষীয়ে কৰে যদিও সকলো বেহু ভেদিয়ে আত্মগোপন কৰিছিল ৷
বহু ভাষাত কথা কব পৰা শোভৰাজৰ আছিল এক সুকীয়া ব্যক্তিত্ব। বিশ্ব অপৰাধ জগতৰ এক পৰিচিত নাম হৈ পৰা শোভৰাজ বিভিন্ন দেশৰ জেলৰ পৰা অতি কৌশলৰে পলায়ন কৰাৰ লগতে ১৯৮৬ চনত তিহাৰ জেলৰ পৰাও পলায়ন কৰিছিল যদিও কিছুদিনৰ পাছতে গোৱাৰ এখন বিলাসী ৰেষ্টুৰেণ্টৰ পৰা দিল্লী আৰক্ষীয়ে আটক কৰিছিল ৷
