Covid 19 India :
ৰাজ্যত মাস্ক পিন্ধাটো বাধ্যতামূলক কৰিছে হিমাচল প্ৰদেশ চৰকাৰে । ৰাজ্যখনৰ মানুহেই হওঁক বা বাহিৰৰ পৰা অহা পৰ্যটকেই হওঁক, হিমাচলৰ সকলোৱে বৰ্তমানৰ বাবে বাধ্যতামূলকভাৱে মাস্ক পৰিধান কৰিব লাগিব।
কিছুদিন আগতে হিমাচল প্ৰদেশৰ মুখ্যমন্ত্ৰী সুখবিন্দৰ সিং চুখুৱে ৰাজ্যখনলৈ অহা পৰ্যটকসকলক মাস্ক পৰিধান কৰিবলৈ আহ্বান জনাই। এইবাৰ, ৰাজ্যখনত মাস্ক পৰিধান কৰাৰ বিষয়ে চৰকাৰে নিৰ্দেশনা জাৰি কৰিছে ।
চীনত ক’ভিড-১৯ৰ বৃদ্ধিৰ মাজতে ভাৰত চৰকাৰ ভাইৰাছটোৰ প্ৰতি সতৰ্ক হৈ পৰিছে। ইফালে, প্ৰধানমন্ত্ৰী আৰু কেন্দ্ৰীয় স্বাস্থ্য মন্ত্ৰালয়ে দেশৰ ক’ভিড পৰিস্থিতি পৰ্যালোচনা কৰিবলৈ এখন বৈঠক অনুষ্ঠিত কৰিছে।
কেন্দ্ৰই ৰাজ্যখনক ক’ভিড-১৯ সন্দৰ্ভত অতিৰিক্ত সাৱধানতা অৱলম্বন কৰিবলৈও পৰামৰ্শ দিছে। বছৰটোৰ শেষত, বন্ধৰ বতৰত বেছিভাগ লোকেই ভ্ৰমণ কৰিবলৈ পাহাৰীয়া ঠাই সমূহ গন্তব্য স্থান হিচাপে বাছি লয় । হিমাচল প্ৰদেশ পাহাৰৰ অন্যতম শ্ৰেষ্ঠ স্থান।
এই সময়ছোৱাত দেশৰ বিভিন্ন প্ৰান্তৰ পৰ্যটকসকলে দলবদ্ধভাৱে হিমাচল ভ্ৰমণ কৰে। সেয়েহে, বাহিৰৰ পৰা অহা পৰ্যটকৰ জৰিয়তে যাতে সংক্ৰমণ নিবিয়পে তাৰ প্ৰতি লক্ষ্য ৰাখি সতৰ্কতা অৱলম্বন কৰিছে হিমাচল প্ৰদেশ চৰকাৰে ।
ৰাজ্যিৰ আৰক্ষীয়ে ড্ৰোনৰ জৰিয়তে পৰ্যটকৰ চলাচল নিৰীক্ষণ কৰি আছে। চিমলা, পাৰৱানু বা পাণ্ডোহাৰৰ দৰে ঠাইৰ প্ৰৱেশদ্বাৰত ড্ৰোন উৰোৱা হৈছে, যিবোৰ পৰ্যটকৰ আকৰ্ষণৰ কেন্দ্ৰবিন্দু।
অৱশ্যে হিমাচলৰ ক’ভিড পৰিস্থিতি নিয়ন্ত্ৰণত আছে। দিনটোত গড়ে দুইৰ পৰা তিনিজন লোক এই ভাইৰাছত আক্ৰান্ত হয়। সেইয়ে উৎসৱৰ বতৰত সতৰ্ক হৈছে চৰকাৰ ।