North Indian Weather :
উত্তৰ ভাৰতত শীতৰ প্ৰকোপ । ইতিমধ্যে দিল্লীৰ তাপমাত্ৰা পাঁচ ডিগ্ৰী চেলচিয়াছলৈ হ্ৰাস পাইছে। দেওবাৰে দিল্লীত সৰ্বনিম্ন তাপমাত্ৰা আছিল ৫.৩ ডিগ্ৰী চেলচিয়াছ। কোনো কোনো অঞ্চলত তাপমাত্ৰা তিনি ডিগ্ৰীলৈ হ্ৰাস পায় ।
স্বাভাৱিকতকৈ যি ৪.৯ ডিগ্ৰী কম। বতৰ বিজ্ঞান কেন্দ্ৰৰ পূৰ্বাভাষ অহা কিছুদিনৰ ভিতৰত, ঘন কুঁৱলীয়ে আৱৰিব পঞ্জাৱ, হাৰিয়ানা, ৰাজস্থানসহ উত্তৰ ভাৰতৰ বিস্তীৰ্ণ অংশ ।
এই ৰাজ্যসমূহত বৰ্তমানৰ গড় তাপমাত্ৰা তিনি ৰ পৰা সাত ডিগ্ৰী চেলচিয়াছ। শীতৰ প্ৰকোপত পাটনাত বিদ্যালয় বন্ধ ঘোষণা কৰা হৈছে । বতৰ বিজ্ঞান কেন্দ্ৰই জনোৱা অনুসৰি, উত্তৰ ভাৰতত এই মূহুৰ্তত তাপমাত্ৰাৰ বৃদ্ধিৰ সম্ভাৱনা নাই ।
ইয়াৰ পৰিৱৰ্তে, পৰৱৰ্তী কিছুদিনমানৰ ভিতৰত তাপমাত্ৰা আৰু হ্ৰাস হ’ব পাৰে। দিল্লী, চণ্ডিগড়, পঞ্জাৱ, হাৰিয়ানা, উত্তৰ ৰাজস্থান, হিমাচল প্ৰদেশ আৰু উত্তৰাখণ্ডত অহা ২৪ ঘণ্টাত তীব্ৰ শীতল প্ৰৱাহ পৰিস্থিতি হোৱাৰ সম্ভাৱনা আছে।