Kanjhawala Girl Murder Case :
পিছত পথৰ কাষতে আৰক্ষীয়ে মৃত অৱস্থাত নগ্নৰূপত উদ্ধাৰ কৰে যুৱতী গৰাকীৰ মৃতদেহ৷ আনহাতে আৰক্ষীৰ মাৰাথন অভিযানৰ মাজতে আৰক্ষী হাতত পৰা ভিডিঅ ফুটেজত দেখিবলৈ পায় যে যুৱতী গৰাকীক নিচাসক্ত যুৱক পাঁচজনে প্ৰথমে গাড়ীৰ খুন্দা মাৰি পাছতে গাড়ীৰে চোঁচৰাই নিয়ে ৷
চোঁচৰাই নিয়াৰ ফলত যুৱতী গৰাকীৰ দুয়োখন ভৰি, মুৰ আৰু শৰীৰৰ আন অংশত গুৰুতৰভাৱে আঘাত পাইছিল।ইতিমধ্যে আৰক্ষীয়ে বিশেষ সূত্ৰৰ পমখেদি ইতিমধ্যে পাঁচোজন অভিযুক্ত যুৱক ক্ৰমে মিথুন ৰায়,মনোজ মিত্তাল,দীপক খান্না,কৃষ্ণ ত্যাগি,অমিত খান্নাক গ্ৰেপ্তাৰ কৰিছে ৷
উল্লেখ্য যে ব্যক্তিগত প্ৰতিষ্ঠান এটাত কৰ্মৰত যুৱতী গৰাকী দেওবাৰে নিশা নিজৰ স্কুটীৰে গৃহাভিমুখী হোৱাৰ পথত সংঘটিত হয় লোমহৰ্ষক ঘটনাটি ৷
আৰক্ষীয়ে সংবাদ মাধ্যমক জানিব দিয়া মতে , নিশাৰ এই ঘটনাৰ পাছতে আৰক্ষীলৈ ফোন আহিছিল যে কাঞ্জাৱালা অঞ্চলৰ ৰাজপথৰ দাঁতিত এগৰাকী নগ্ন যুৱতীৰ মৃতদেহ পৰি আছে ৷ পাছত আৰক্ষী ততাতৈয়াকৈ উপস্থিত হৈ মৃতদেহ জিন্মাত লৈ মৰনোত্তৰ পৰীক্ষাৰ বাবে ৰাজধানী চিকিৎসালয়লৈ প্ৰেৰণ কৰে ৷