Pakistan :
ঋণত ডুবিছে পাকিস্তান (Pakistan) । এনে পৰিস্থিতিত চুবুৰীয়া দেশখনক উদ্ধাৰ কৰাৰ পথত প্ৰধামন্ত্ৰী নৰেন্দ্ৰ মোদী ।এই অনুমান প্ৰাক্তন চোৰাংচোৱা বিষয়া অমৰজিৎ সিং দুলাতৰ । তেওঁ দাবী কৰে যে চুবুৰীয়া দেশখনক বিত্তীয় সংকটৰ পৰা উলিয়াই আনিবলৈ ভাৰতে এই বছৰৰ শেষৰ ফালে হাত আগবঢ়াব।
পিটিআইক দিয়া এক সাক্ষাৎকাৰত, গৱেষণা আৰু বিশ্লেষণাত্মক শাখাৰ প্ৰাক্তন মুৰব্বীয়ে ভাৰতৰ বৈদেশিক নীতিসন্দৰ্ভত কে’বাটাও মন্তব্য কৰে।
তেঁও কয়, ইৰাণ-ৰাছিয়া-চীনৰ এক বিপদজনক মিত্ৰতা গঢ়ি উঠিছে। যাৰ বিষয়ে ভাৰতে সাৱধান হ’ব লাগিব। আমেৰিকাৰ স’তে আমাৰ সম্পৰ্ক উন্নত হৈছে । ই নিশ্চিতভাৱে ইতিবাচক । অৱশ্যে, মনত ৰখা উচিত যে আমেৰিকা এখন দূৰৱৰ্তী দেশ। চুবুৰীয়া দেশবোৰ আমাৰ অতি ওচৰত । গতিকে এজন প্ৰাক্তন চোৰাংচোৱা বিষয়াৰ মতে, দুয়োখন দেশৰ মাজত যিকোনো সময়তে আলোচনা চলিব পাৰে। তেওঁ অৱশ্যে স্বীকাৰ কৰে যে দ্বিপাক্ষিক আলোচনা দেশৰ ৰাজনীতিৰ ওপৰত যথেষ্ট নিৰ্ভৰ কৰে।
ইয়াৰ পাছতে অমৰজিৎ সিং দুলাতে পাকিস্তানৰ শেহতীয়া পৰিস্থিতিৰ বিষয়ে মুকলিকৈ কয় । তেওঁ কয় ,”মোৰ ওচৰত কোনো গোপন তথ্য নাই। কিন্তু মই ভাবো মোদীজীয়ে পাকিস্তানক বিত্তীয় সংকটৰ পৰা বাহিৰ কৰাত সহায় কৰিব পাৰে। “
মন কৰিকৰিবলগীয়া যে এই বেয়া সময়ত ‘বন্ধু’ চীনে ইছলামাবাদৰ কাষত থিয় দিছে। তেওঁলোকে পাকিস্তানক ৭০০ মিলিয়ন মাৰ্কিন ডলাৰ ঋণ দিছে। ইফালে, দীঘলীয়া আলোচনাৰ পাছত, পাকিস্তানে কঠিন পৰিস্থিতিৰ বিনিময়ত আইএমএফৰ পৰা ঋণ ল’বলৈ বাধ্য হৈছে। ইয়াৰ পাছতে আন্তঃৰাষ্ট্ৰীয় সংগঠনৰ চৰ্তাৱলী অনুসৰি মঙলবাৰে পাকিস্তানৰ সংসদত নতুন বিধেয়কখন গৃহীত হয়।
শ্বাহবাজ শ্বৰীফৰ চৰকাৰে সলনি কৰিলে কৰ ব্যৱস্থা । ফলস্বৰূপে, সাধাৰণ লোকৰ ওপৰত কৰ বোজা যথেষ্ট বৃদ্ধি পাইছে।