Corruption :
কলিয়াবৰ ৰাজহ চক্ৰ কাৰ্যালয়ত আজি উৎকোচ লোৱা অৱস্থাতে হাতেলোত ধৰা পৰিল এগৰাকী লাট মণ্ডল৷ ৰাজহ চক্ৰটোৰ অন্তৰ্গত কুঠৰী লাটৰ লাটমণ্ডল প্ৰাঞ্জল বৰাই এগৰাকী ব্যক্তিৰ পৰা মাটি কিনাবেচা সংক্ৰান্তীয় কামত অনুমতি উলিওৱাৰ নামত দুই হেজাৰ টকা লোৱাৰ অৱস্থাতে দূৰ্নীতি নিবাৰণ শাখাৰ হাতত আটক হৈ ৰঙাঘৰৰ আলহি হয়৷
Today, a team of @DIR_VAC_ASSAM trapped red handed and arrested Sh Pranjal Bora, Lat Mandal, O/O Koliabar Revenue Circle, Nagaon, after he accepted demanded bribe from the complainant for processing and issuing Land Sale Permission to the complainant. @CMOfficeAssam @assampolice pic.twitter.com/dJ8lJU08sh
— Surendra Kumar (@surendrakr_ips) March 3, 2023
তথ্য অনুসৰি এগৰাকী ব্যক্তিৰ পৰা তিনিহাজাৰ টকা দাবী কৰি আজি তাৰে দুই হেজাৰ টকা লৈ থকাৰ সময়তে দূৰ্নীতি নিবাৰণ শাখাৰ জালত পৰে কুখ্যাত মণ্ডলগৰাকী৷
উল্লেখ্য যে, কলিয়াবৰ ৰাজহ চক্ৰৰ কাৰ্যালয়টোত একাংশ মণ্ডলে বিভিন্ন কৌশলৰে কাৰ্য্যালয়ৰ ভিতৰে বাহিৰে ধন সংগ্ৰহ কৰি অহাৰ অভিযোগ দীৰ্ঘদিনৰ৷
ইফালে এইগৰাকীৰ লগতে আৰু বহুকেইগৰাকী মণ্ডল শিঘ্ৰেই ৰাইজৰ ৰোষত পৰিব বুলি মন্তব্য কৰিছে বহুজনে৷
