Save Bharalu Mission :
গুৱাহাটী কাহিলিপাৰাৰ দক্ষিণ জনকপুৰ নাগৰিক সমিতিৰ তৃতীয় দ্বি-বাৰ্ষিক সাধাৰণ সভাখন যোৱা ২৬ মাৰ্চত স্কোৱা এনক্লেভৰ চৌহদত অনুষ্ঠিত হয়।
অপূৰ্ব কুমাৰ বৰাৰ পৌৰহিত্যত অনুষ্ঠিত হোৱা সভাত অঞ্চলটোৰ উন্নয়নমূলক কামৰ ওপৰত আলোচনা কৰা হয়।
সভাত সমাজকৰ্মী তথা বিশিষ্ট চিকিৎসক ডাঃ ৰবীন্দ্ৰনাথ মজুমদাৰে “ছেভ ভৰলু আৰু প্লাষ্টিক বৰ্জনৰ ওপৰত এক তত্বগধুৰ বক্তব্য আগবঢ়ায়।
সভাত আগন্তুক ২০২৩-২৫ বৰ্ষৰ বাবে এখন নতুন সমিতি গঠন কৰা হয়। সেই মৰ্মে ডাঃ ৰবীন্দ্ৰনাথ মজুমদাৰক সভাপতি, অশোক কুমাৰ পণ্ডিত আৰু সত্যনাথ ডেকাক উপ-সভাপতি, বিপুল শৰ্মা পণ্ডিতক সাধাৰণ সম্পাদক, হেমন্ত শইকীয়া আৰু সত্যৰঞ্জন বৰুৱাক সহকাৰী সম্পাদক লগতে দিলীপ শৰ্মাক কোষাধ্যক্ষ হিচাপে লৈ আগন্তোক ২০২৩-২৫ বৰ্ষৰ বাবে এখন শক্তিশালী সমিতি গঠন কৰা হয়। ইয়াৰ উপৰিও নৱগঠিত সমিতিখনত এঘাৰজন কাৰ্যকৰী সদস্যও নিৰ্বাচন কৰা হয়।