Vulture Bird :
তথ্য অনুসৰি আজি পুৱা নোৱামাটিৰ খেতি পথাৰৰ মাজত স্থানীয় লোকে মৃত শগুনকেইটা প্ৰত্যক্ষ কৰি সাংবাদিকক খবৰ দিয়ে ।
সেই মৰ্মে সাংবাদিকে বিষয়টো বন বিভাগক অৱগত কৰে । সেই খবৰৰ ভিত্তিত বামুণীগাঁও, কুলচী বন কাৰ্যালয়ৰ বিষয়া-কৰ্মীৰ দল এটা ঘটনাস্থলীত উপস্থিত হৈ মৃত শগুনকেইটাৰ লগতে আঘাতপ্ৰাপ্ত অৱস্থাত আন এটা শগুন উদ্ধাৰ কৰি চিকিৎসাৰ বাবে প্ৰেৰণ কৰে ।
স্থানীয় লোকে বিষক্ৰিয়াৰ ফলতে এই কৰুণ ঘটনা সংঘটিত হোৱা বুলি সন্দেহ প্ৰকাশ কৰে । পিছে কোনে এই ঘটনা সংঘটিত কৰিছে সেয়া তদন্তৰ পাছতহে ওলাই পৰিব ।