Sati-Sadhini Diwas Proggame In Sarupathar:
বীৰাংগনা সতী সাধনীৰ ৫০০ বছৰীয়া স্মৃতি দিৱস উপলক্ষে আজি গোলাঘাটৰ সৰুপথাৰত এক বিশেষ সভা আয়োজন কৰা হয় ৷ অনুষ্ঠানত মুখ্য অতিথি ৰূপে অংশগ্ৰহণ কৰে মুখ্যমন্ত্ৰী ড:হিমন্ত বিশ্ব শৰ্মাই ৷
ইয়াৰ পূৰ্বে মুখ্যমন্ত্ৰী গৰাকীয়ে ছেৱাগুৰিত নিৰ্মাণ কৰি উলিওৱা বীৰাংগনা সতী সাধনীৰ এটা সুউচ্চ প্ৰতিমূৰ্তি উন্মোচন কৰাৰ লগতে উক্ত স্থানত থকা দেউ কুবেৰ পূজাস্থলীতো সেৱা জনাই ৷
অনুষ্ঠানত উপস্থিত থাকে কেবিনেট মন্ত্ৰী সকল ক্ৰমে অতুল বৰা,কেশৱ মহন্ত,অজন্তা নেওগ,বিমল বৰা,সাংসদত্ৰয় কামাখ্যা প্ৰসাদ তাছা,পবিত্ৰ মাৰ্ঘেৰিটা,পল্লৱলোচন দাস আৰু বিধায়কদ্বয় বিশ্বজিৎ ফুকন,বীৰাংগনা সতী সাধনী ৰাজ্যিক বিশ্ববিদ্যালয়ৰ উপাচাৰ্য জ্যোতিপ্ৰসাদ শইকীয়া,চুতীয়া জাতি সন্মিলনীৰ সভাপতি অমিয় কুমাৰ বৰা,চুতীয়া ছাত্ৰ সন্থাৰ সভাপতি মহেন বৰা,চুতীয়া যুৱ সন্মিলনৰ সভাপতি মোহন শইকীয়া সহ কে’বা গৰাকী জ্যেষ্ঠ বিষয়াবৰ্গ উপস্থিত থাকে ৷
আনহাতে পুৱাভাগত মুখ্যমন্ত্ৰী ড:হিমন্ত বিশ্ব শৰ্মা উপস্থিত হয় শোণিতপুৰ জিলাৰ গাৰপালত অনুষ্ঠিত অসম গোৰ্খা সন্মিলনৰ ৫৭সংখ্যক সন্মিলন দিৱসৰ বিশেষ কাৰ্যসূচীত ৷
