Two Students Escaped From Their Homes In Guwahati:স্বৰস্বতী পূজাৰ দিনাই মহানগৰীত অঘটন ! দীঘলী পুখুৰীলৈ বুলি ওলায় অহা দুই যাত্ৰী নিখোজ

Two Students Escaped From Their Homes In Guwahati:

বুধবাৰে সৰস্বতী পূজাৰ আনন্দ উছাহৰ মাজতে সন্ধিয়াৰ পৰা নিখোজ মহানগৰীৰ দুই ছাত্ৰী ৷ বন্দিতা ভৌমিক আৰু মধুস্মিতা বৈশ্য নামৰ দুই অষ্টম শ্ৰেণীত অধ্যয়নৰত ছাত্ৰীৰ সন্ধানহীনৰ চাঞ্চল্যৰ মাজতে আহিছে দুই ছাত্ৰীৰ বিস্ফোৰক ম’বাইল মেছেজ ৷

বুধবাৰে নিশা কোনো নম্বৰৰ পৰা ছাত্ৰীৰ মেছেজ’ চিন্তা কৰিব লগা একো নাই, আমি ভালে ভালে আছে, আমি নিজ ইচ্ছামতে ঘৰৰ পৰা ওলাই আহিছো, ঘৰত বহুত অশান্তি পাইছো, ৫ বছৰ সকলোৱে অপেক্ষা কৰক, কিয়নো আমি এতিয়াই ঘৰত ঘুৰি যোৱা কথা ভবা নাই”। এনেদৰেই পৰিয়ালৰ লোকলৈ মেছেজ কৰে ছাত্রী দুগৰাকীয়ে ৷

একেদৰে দুই ছাত্ৰীয়ে আৰক্ষীকো একপ্ৰকাৰ চেলেন্স দি মেছেজত উল্লেখ কৰে যে,তেওঁলোকৰ শুংসূত্ৰ আৰক্ষীয়ে উলিয়াব নোৱাৰে কিয়নো ম’বাইল আৰু চ’ছিয়েল মেডিয়াৰ পৰা আঁতৰি আছে । একেদৰে সংবাদ মাধ্যমকো নিখোজ সম্বন্ধীয় বাতৰিৰ পৰা আঁতৰি থাকি আন বাতৰিত মনোনিৱেশ কৰিবলৈ আহ্বান জনাই দুই ছাত্ৰীয়ে ৷

আনহাতে দুই ছাত্ৰীৰ নিখোজ সন্দৰ্ভত তেওঁলোকৰ পৰিয়ালে নিশাই নুনুমাটি থানাত এজাহাৰ দাখিল কৰিছে যদিও এই পৰ্যন্ত শুংসূত্ৰ উলিওৱাত ব্যৰ্থ নুনমাটি আৰক্ষী ৷

উল্লেখযোগ্য , মহানগৰীৰ নুনমাটি পঞ্চদীপ জাতীয় বিদ্যালয়ৰ অষ্টমমানৰ ছাত্ৰী আছিল দুয়ো গৰাকী । বুধবাৰে বিদ্যালয়ত অনুষ্ঠিত সৰস্বতী পূজালৈ বুলি গৈ পুনৰ ঘৰলৈ ঘূৰি আহে যদিও আকৌ নেপালীচকৰ পৰা দীঘলীপুখুৰীলৈ বুলি ওলাই যায় ৷

সন্ধিয়া পৰ্যন্ত ঘৰলৈ দুই ছাত্ৰী উভতি নহাত অভিভাৱকৰ মাজত হাহাকাৰময় পৰিবেশৰ সৃষ্টি হয় ৷ বহু বিচাৰখোচাৰ কৰাৰ পিছতো কোনো শুংসূত্ৰ উলিয়াব নোৱাৰি দুৰ্ভগীয়া পৰিয়ালদুটিয়ে নিশাৰ নুনমাটি থানাত এজাহাৰ দাখিল কৰে ৷

আনহাতে দুই ছাত্ৰীয়ে ভাতৃলৈ ম’বাইল মেছেজ দি নিজৰ স্থিতি সদৰি কৰাত এইটো কথা স্পষ্ট হৈ পৰে যে,আচলতে দুই ছাত্ৰীৰ অপহৰণ হোৱা নাই বৰং স্বইচ্ছাৰে পলায়নহে কৰিছে ৷ ইতিমধ্যে সমস্ত ঘটনা সন্দৰ্ভত নুনমাটি আৰক্ষীয়ে ক্ষিপ্ৰতাৰে আৰম্ভ কৰিছে তদন্ত ৷