Heroin Seized With Paddlar Arrested:
ড্ৰাগছৰ বিৰুদ্ধে নগাঁও আৰক্ষীৰ কঠোৰ স্থিতিৰ মাজতে ৰহাৰ চাপৰমুখত চাপৰমুখ আৰক্ষীয়ে যোৱা নিশা অভিযান চলাই হেৰ’ইন সহ তিনি সৰবৰাহকাৰীক আটক কৰিবলৈ সক্ষম ৷
শিলচৰৰ পৰা ৰে’লেৰে আহি চাপৰমুখ জংচনত নামি অ’টৰে যাবলৈ লওঁতেই পূৰ্বৰে কৰা খাপপিটি থকা চাপৰমুখ আৰক্ষী দলে এগৰাকী মহিলা সহ দুই যুৱকক হেৰ’ইন সহ আটক কৰে ৷
ধৃত সৰবৰাহকাৰীৰ পৰা ১০টা চাবোনৰ বাকচভৰ্তি হে’ৰইন জব্দ কৰে ৷ ধৃত সৰবৰাহকাৰীৰ এগৰাকী মহিলা হ’ল জৰীনা খাতুন ,আন দুটা হ’ল বাহাৰুল ইছলাম আৰু নিজাম উদ্দিন ৷
উল্লেখ্য যে,ধৃত সৰবৰাহকাৰীৰ তিনিওৰে ঘৰ নগাঁও জিলাৰ ৰূপহীত।