Nomination Submit:
ৰাজ্যৰ প্ৰথম পৰ্যায় নিৰ্বাচনৰ বাবে আজি কে’বাটাও সংসদীয় সমষ্টিত বহু কেইজন হেভিয়েট প্ৰাৰ্থীয়ে দাখিল কৰে ৷
যোৰহাটত শক্তি দেখুৱালে বিজেপিৰ প্ৰাৰ্থী তপন কুমাৰ গগৈয়ে । যোৰহাট ষ্টেডিয়ামৰ পৰা মু্খ্যমন্ত্ৰী হিমন্ত বিশ্ব শৰ্মাৰ স’তে তপন গগৈয়ে এখন গাড়ীত উঠি প্ৰায় ৫০ হাজাৰৰ অধিক সমৰ্থকক লগত লৈ দীঘলীয়া সমদলৰে আহি দাখিল কৰে মনোনয়ন । তপন কুমাৰ গগৈক সংগ দিয়ে অগপৰ সভাপতি অতুল বৰা,কেশৱ মহন্ত সহ দলীয় বিধায়ক সকলে ৷
ইয়াৰ পূৰ্বে এক বিশাল সভা অনুষ্ঠিত হয় ৷য’ত উপস্থিত থাকে মু্খ্যমন্ত্ৰী হিমন্ত বিশ্ব শৰ্মা,ৰাজ্যিক বিজেপিৰ সভাপতি ভৱেশ কলিতা,অগপৰ সভাপতি অতুল বৰা ,কেশৱ মহন্ত সহ কে’বা গৰাকী মন্ত্ৰী- বিধায়কে । মনোনয়ন দাখিলৰ পূৰ্বে আঠখেলীয়া নামঘৰত সেৱা ল’লে কামাখ্যা প্ৰসাদ তাছাই।
ইপিনে,লখিমপুৰত কংগ্ৰেছৰ প্ৰাৰ্থী উদয় শংকৰ হাজৰিকাও কে’বা সহস্ৰাধিক সমৰ্থকৰে সমদল কৰি আহি আয়ুক্ত কাৰ্যালয়ত দাখিল কৰে মনোনয়ন ৷ হাজৰিকাক সংগ দিয়ে এপিচিচিৰ সভাপতি ভূপেন বৰা সহ কে’বাজনো বিধায়কে ৷ উল্লেখ্য যে,হাজৰিকাৰ স’তে পৰিলক্ষিত নহ’ল নাওবৈছাৰ বিধায়ক ভৰত নৰহক ৷
আনহাতে , শোণিতপুৰত বিজেপি প্ৰাৰ্থী ৰঞ্জিত দত্তৰ মনোনয়ন দাখিল ৷ শোণিতপুৰ লোকসভা সমষ্টিৰ বিজেপি প্ৰাৰ্থী ৰঞ্জিত দত্তক বিপুল ভোটৰ ব্যৱধানত বিজয়ী কৰাৰ সংকল্প লৈছে বিজেপি আৰু সহযোগী দলৰ নেতা কৰ্মী সকলে ৷ আজি বিজেপি প্ৰাৰ্থীজনে মনোনয়ন দাখিল কৰে ৷
শোণিতপুৰত আপৰ প্ৰাৰ্থী ঋষিৰাজ কৌণ্ডিল্যই প্ৰায় পাঁচ শতাধিক সমৰ্থকৰ স’তে সমদল কৰি আহি তেজপুৰস্থ আয়ুক্ত কাৰ্যালয়ত দাখিল কৰে মনোনয়ন ৷