Young man died in a mass beating in Sibsagar:শিৱসাগৰত গণ প্ৰহাৰত মৃত্যু এজন যুৱকৰ

Young man died in a mass beating in Sibsagar

পুনৰ গণ প্ৰহাৰৰ ঘটনা। দলবদ্ধ আক্ৰমণত প্ৰাণ গ’ল এজন যুৱকৰ ৷ আনহাতে আন এজন যুৱক গুৰুতৰভাৱে আহত হয় ৷
এই লোমহৰ্ষক ঘটনা সংঘটিত হয় শিৱসাগৰৰ ফুকন নগৰত ৷ ম’বাইল চুৰিৰ সন্দেহত পাপু গোৱালা আৰু দাদু গোৱালা নামৰ দুই যুৱকক একাংশ লোকে উপযুপৰি প্ৰহাৰ কৰে। গণ প্ৰহাৰত থিতাতে প্ৰাণ গ’ল পাপু গোৱালা নামৰ যুৱকজন ৷

আনহাতে সংকটজনক অৱস্থাত দাদু গোৱালা নামৰ যুৱকজনক আৰক্ষীয়ে ততাতৈয়াকৈ ভৰ্তি কৰে শিৱসাগৰ অসামৰিক চিকিৎসালয়ত। ইতিমধ্যে আৰক্ষীয়ে এই ঘটনাৰ স’তে জড়িত সকলৰ সন্ধানত অভিযান চলাইছে যদিও এজনকো আটক কৰিবলৈ সক্ষম নহয় ৷ এই ঘটনাই ফুকন নগৰত সৃষ্টি কৰিছে তীব্ৰ প্ৰতিক্ৰিয়াৰ ৷