Two BJP candidates have filed their nominations for the Rajya Sabha elections:
ৰাজ্যসভা নিৰ্বাচনৰ বাবে দুই বিজেপি প্ৰাৰ্থীয়ে দাখিল কৰিলে মনোনয়ন | ৰামেশ্বৰ তেলী আৰু মিছন ৰঞ্জন দাসক সংগ দিয়ে মুখ্যমন্ত্ৰী হিমন্ত বিশ্ব ,সৰ্বানন্দ সোনোৱাল আৰু ভৱেশ কলিতা,অগপৰ সভাপতি মন্ত্ৰী অতুল বৰা,ইউপিপিএলৰ জ্যেষ্ঠ নেতা তথা মন্ত্ৰী ইউ জি ব্ৰক্ষ্মই |
অসমৰ ৰাজ্যসভাৰ খালী হৈ থকা দুখন আসনৰ বাবে আজি বিজেপিৰ দুই মনোনিত প্ৰাৰ্থী ৰামেশ্বৰ তেলী আৰু মিছন ৰঞ্জন দাসে আজি বিধানসভা সচিবালয়ৰ ৰিটাৰ্ণিং বিষয়াৰ ওচৰত দাখিল কৰে মনোনয়ন পত্ৰ ৷
উল্লেখ্য যে মিছন ৰঞ্জন দাস ১৯৯১চনত পোন প্ৰথমবাৰৰ বাবে উত্তৰ কৰিমগঞ্জৰ পৰা বিজেপি প্ৰাৰ্থী হিচাপে অসম বিধান সভালৈ নিৰ্বাচিত হৈছিল ৷ তেওঁ সমষ্টিটোৰ পৰা একেৰাহে চাৰিবাৰৰ বিধায়ক আছিল ৷
আনহাতে ৰামেশ্বৰ তেলী দুলীয়াজান বিধানসভা সমষ্টিৰ প্ৰাক্তন বিধায়ক আছিল। একেদৰে ডিব্ৰুগড় লোকসভাৰ সাংসদ হিচাপে কেন্দ্ৰীয় ৰাজ্যিক মন্ত্ৰী হিচাপে কাৰ্যনিৰ্বাহ কৰিছিল ৷
মনকৰিবলগীয়া যে ৰাজ্যসভা নিৰ্বাচনৰ বাবে মনোনয়ন দাখিলৰ আজি অন্তিম দিন ৷ কিন্ত এই পৰ্যন্ত কংগ্ৰেছ সহ বিৰোধী দলে প্ৰাৰ্থীৰ নাম ঘোষণা কৰা নাই ৷
