JUI State Executive Meeting In Tinsukia:
জাৰ্ণেলিষ্ট ইউনিয়ন অৱ আছামৰ তিনিচুকীয়া জিলা সমিতিৰ আতিথ্যত জার্নেলিষ্ট ইউনিয়ন অৱ আছামৰ এখন ৰাজ্যিক কার্যনির্বাহক সভা ডিব্ৰু নৈৰ কাষৰ গুইজানৰ বনশ্রী ৰিৰ্জটত অহা ২৫ নবেম্বৰত অনুষ্ঠিত হব বুলি জার্নেলিষ্ট ইউনিয়ন অৱ আছামৰ তিনিচুকীয়া জিলা সমিতিয়ে জানিবলৈ দিছে।
কাৰ্যনিৰ্বাহক সভাৰ আগতে দিনৰ ১১ বজাত” সংবাদ মাধ্যমত ডিজিটেল (Digital) প্রযুক্তিৰ প্ৰভাৱ” শীর্ষক বক্তৃতানুষ্ঠান আৰু মত বিনিময় অনুষ্ঠান এটা অনুষ্ঠিত হব । অনুষ্ঠানৰ মূল বক্তা হিচাবে উপস্থিত থাকিব ইণ্ডিয়ান জার্নেলিষ্ট ইউনিয়ন (আই জে ইউ)ৰ সভাপতি গীতার্থ পাঠক, সহযোগী বক্তা হিচাবে জার্নেলিষ্ট ইউনিয়ন অৱ আছামৰ সভাপতি, ইণ্টাৰনেছনেল ফেডাৰেছন অৱ ইউনিয়নৰ জেণ্ডাৰ কাউন্সিলৰ সদস্য তথা ‘দৈনিক অগ্রদূত’ কাকতৰ বাৰ্তা সম্পাদক চেমিম চুলতানা আহমেদ।
এই অনুষ্ঠানত জার্নেলিষ্ট ইউনিয়ন অৱ আছামৰ সাধাৰণ সম্পাদক ধনজিৎ কুমাৰ দাসসহ অসমৰ কেইবাগৰাকী চিন্তাশীল ব্যক্তি, বিশিষ্ট সাংবাদিক উপস্থিত থাকিব বুলি উদ্যোক্তাসকলে জনাইছে। অনুষ্ঠানত সাংবাদিক সকলৰ উপস্থিতি কামনা কৰিছে। দিনৰ ১-৩০বজাত ৰাজ্যিক কার্যনির্বাহক সভা অনুষ্ঠিত হ’ব।