তেল চোৰৰ চতুৰালি । বিলাসী বাইকত তেল ভৰাই উধাও হ’ল ৪ কিশোৰ । অৱশ্যে ইয়াৰ পিছতে মঙলবাৰে ৪ কিশোৰক কৰায়ত্ব কৰিবলৈ সক্ষম হয় আৰক্ষীয়ে । ঘটনা অনুসৰি জামুগুৰিহাটৰ পাতলৰচুক আলিমুৰৰ তেল ডিপুত দুখনকৈ বিলাসী বাইকত চাৰিটা কিশোৰে তেল ভৰাইছিল । দুয়োখন বাইকতে আছিল চাৰিজনকৈ কিশোৰ ।
কিন্তু তাৰ পিছতে তেলৰ পইচা নিদিয়াকৈ পলাই-পত্ৰং দিয়ে চাৰি বাইক আৰোহী কিশোৰে । এই ঘটনাৰ পিছতে তেল ডিপোটোৰ স্বত্বাধিকাৰীগৰাকীয়ে ঘটনা সন্দৰ্ভত এজাহাৰ দাখিল কৰে । অৱশেষত আৰক্ষীৰ তৎপৰতাত চকীঘাট দলঙৰ নিকটৱৰ্তী আৰক্ষীৰ পহৰা চকীত বাইকসহ ধৰা পৰে কিশোৰ ৪ টা ।
ধৃত চাৰি কিশোৰৰ ৩ টা তেজপুৰ কলিবাৰীৰ আৰু এটা তেজপুৰ মূঢ়াটেতেলীৰ বাসিন্দা ৷