Donald Trump‘ তিনি লাখৰ পৰা আঠ হেজাৰৰলৈকে হ্ৰাস পালে অবৈধ অনুপ্রৱেশকাৰী ‘ : ট্ৰাম্পৰ দাবী
মেক্সিকো সীমান্তৰ পৰা অবৈধ অনুপ্ৰৱেশকাৰী পূৰ্বতে আছিল মাহে তিনি লাখতকৈও অধিক । ফেব্ৰুৱাৰী মাহত সেইয়া হ’ল মাত্ৰ আঠ হেজাৰ !
পৰিসংখ্যা প্ৰকাশ কৰি এই কথা দাবী কৰে আমেৰিকাৰ ৰাষ্ট্ৰপতি ড’নাল্ড ট্ৰাম্পে । প্ৰাক্তন ৰাষ্ট্ৰপতি জো বাইডেনক কটাক্ষ কৰি তেওঁ কয় যে পূৰ্বৰ চৰকাৰৰ অধীনত মেক্সিকোৰ পৰা অবৈধ প্ৰব্ৰজনৰ হাৰ যথেষ্ট হ্ৰাস পাইছে।
২০ জানুৱাৰীত ট্ৰাম্পে হোৱাইট হাউছৰ দায়িত্ব লয়। সেই হিচাপে ফেব্ৰুৱাৰী মাহত সভাপতি হিচাপে এই ভূমিকাত তেওঁৰ প্ৰথম মাহ সম্পূৰ্ণ। ট্ৰাম্পে সেই মাহৰ পৰিসংখ্যা দেখুৱাইছে ।
হোৱাইট হাউচৰ মতে, ফেব্ৰুৱাৰীত মেক্সিকোৰ পৰা আমেৰিকা যুক্তৰাষ্ট্ৰত প্ৰৱেশ কৰিবলৈ চেষ্টা কৰি থকা অৱস্থাত ৮,৩২৬ জন লোকক সীমান্তত ৰখাই তেওঁলোকক নিজৰ দেশলৈ ঘূৰাই পঠোৱা হয়।
উল্লেখ্য যে ,বিডেনৰ অধীনত ২০২৩ চনৰ ডিচেম্বৰত এই সীমান্তৰ পৰা আমেৰিকা যুক্তৰাষ্ট্ৰত প্ৰৱেশ কৰা লোকৰ সংখ্যা আছিল তিনি লাখ এক হেজাৰ ৯৮১ জন।
ট্ৰাম্পে দাবী কৰে যে তেওঁলোক সকলোকে আমেৰিকাত প্ৰৱেশৰ অনুমতি দিয়া হৈছে। ট্ৰাম্পৰ দিনত সেই অনুপ্ৰৱেশৰ হাৰ ৯৬ শতাংশ হ্ৰাস পাইছে। ছ’চিয়েল মিডিয়াত ট্ৰাম্পে লিখিছে, ‘ফেব্ৰুৱাৰী, মোৰ কাৰ্যকালৰ প্ৰথম সম্পূৰ্ণ মাহ। আমেৰিকাত অবৈধ প্ৰৱেশৰ চেষ্টাৰ সংখ্যা চলিত মাহত সৰ্বনিম্ন। ভৱিষ্যতে আৰু কমিব। ফেব্ৰুৱাৰী মাহত মেক্সিকোৰ সীমান্তত ৮৩২৬ জন লোকক আটক কৰা হৈছিল। লগে লগে তেওঁলোকক উভতাই পঠিয়াই দিয়া হ’ল। কিছুমান ক্ষেত্ৰত প্ৰয়োজনীয় আইনী ব্যৱস্থা গ্ৰহণ কৰা হৈছে।”
ইয়াৰ পাছত ট্ৰাম্পে লিখিছে,” সীমান্ত বন্ধ । আমাৰ দেশত আক্ৰমণও বন্ধ ।”
আনহাতে আমেৰিকাৰ কেবাটাও সংবাদ মাধ্যমে দাবী কৰে যে মেক্সিকো সীমান্তৰ পৰিসংখ্যা সঠিকভাৱে প্ৰকাশ কৰা হোৱা নাই।
বাইডেনৰ সময়ত যি নিয়ম বলবৎ আছিল, ট্ৰাম্পে বন্ধ কৰি দিছে। প্ৰাকৃতিক কাৰণত সেয়েহে অনুপ্ৰৱেশ কমি গৈছে। বাইডেন প্ৰশাসনৰ পৰিসংখ্যাত বৈধ অনুপ্ৰৱেশৰ সংখ্যাও সন্নিবিষ্ট কৰা হৈছে
যিসকলে পূৰ্বৰ অনুমোদন লৈ আইনগতভাৱে আমেৰিকাত প্ৰৱেশ কৰিছে। ট্ৰাম্পে ক্ষমতালৈ অহাৰ পাছত মেক্সিকান সীমান্তত এই ব্যৱস্থা বন্ধ কৰি দিছে।