Soha khan: ১০ বছৰ ধৰি সুখৰ সংসাৰ কৰিছে ছহা আলী খান আৰু কুনাল খেমুয়ে। তেওঁলোকৰ এগৰাকী জীয়ৰীও আছে। কিন্তু এটা সময়ত এই সম্পৰ্ক গঢ়িবলৈ বহু কষ্ট কৰিবলগীয়া হৈছিল। দুয়োৰে ধৰ্মৰ মিল নথকাৰ বাবে বহু সময়ত দুয়োয়ে সমালোচনাৰো সন্মূখীন হয়।
অভিনেত্ৰীগৰাকীয়ে শেহতীয়া সাক্ষাৎকাৰত এই বিষয়ে মুখ খুলিছে।
ছহাই কুনালৰ স’তে দীপাৱলী আৰু হোলীও উদযাপন কৰে। সেই সকলোবোৰ ছবিও তেওঁ ছ’চিয়েল মিডিয়াত শ্বেয়াৰ কৰে । এই আটাইকেইখন ছবিৰ বাবে সামাজিক মাধ্যমত ছহা কটাক্ষৰ বলি হৈছে ।
মুছলমান হিচাপে তেওঁ কিমান ভাল আৰু ৰমজানত ৰোজা ৰাখে নাই সেই বিষয়েও তেওঁৰ ওচৰত প্ৰশ্ন আহি পৰিছে।
অৱশ্যে, এনে মন্তব্যই ছহাৰ ওপৰত কোনো প্ৰভাৱ পেলাব নোৱাৰে। অভিনেত্ৰীগৰাকীয়ে কয়, “মোৰ ছাল ডাঠ হৈ গৈছে। মোৰ একো আহে নাযায়। কিন্তু মই এটা কথাত আচৰিত হৈছিলো। মই কিবা এটা প’ষ্ট কৰাৰ লগে লগে, মানুহে মোৰ ধৰ্মৰ বিষয়ে কথা পাতিবলৈ আৰম্ভ কৰে। ইয়াৰ কাৰণ হ’ল মই এজন হিন্দু ধৰ্মীয় লোকৰ স’তে বিয়া হৈছোঁ। মোৰ মা’ও হিন্দু উপাধি আছে। তেওঁ এজন মুছলমান লোকৰ লগত বিয়া হৈছে । ”
ধৰ্মক লৈ কটাক্ষৰ বিষয়ে অভিনেত্ৰীয়ে কয়,”দেৱালীত, যেতিয়াই মই কিবা প’ষ্ট কৰোঁ, তেওঁলোকে প্ৰশ্ন কৰে, ‘আপুনি কেনে ধৰণৰ মুছলমান? ৰমজানত কেইটা ৰোজা ৰাখে? কিন্তু এই সকলো কথাৰ মোৰ একো আহে নাযায় । কিন্তু মই সকলো লক্ষ্য কৰি থাকো । ”
উল্লেখ্য যে,২০০৯ চনত ‘ধুন্দতে ৰেহ জাওগে’ ছবিত অভিনয় কৰাৰ সময়তে ছহা আৰু কুনালৰ প্ৰেম আৰম্ভ হয়।তাৰ পাছতে ২০১৫ চনত তেওঁলোকৰ বিবাহপাশত আবদ্ধ হয়।