Donald Trump:এইবাৰ হাৰ্ভাৰ্ড বিশ্ববিদ্যালয় সন্দৰ্ভত কঠোৰ সিদ্ধান্ত ল’বলৈ ওলাইছে ড’নাল্ড ট্ৰাম্পে।বুধবাৰে, আমেৰিকা যুক্তৰাষ্ট্ৰৰ ৰাষ্ট্ৰপতিয়ে তেওঁৰ সামাজিক মাধ্যমত জনাই যে হাৰ্ভাৰ্ডে এতিয়ালৈকে বিশেষ কৰ ৰেহাই লাভ কৰি আহিছিল কিন্তু এতিয়াৰ পৰা সেইয়া বন্ধ কৰা হ’ব পাৰে।
একে সময়তে, ঐতিহ্যশালী বিশ্ববিদ্যালয়খনক কেৱল ৰাজনৈতিক সংগঠন বুলি বিবেচনা কৰি হাৰ্ভাৰ্ডত নতুন কৰ আৰোপ কৰা হ’ব পাৰে। এই সন্দৰ্ভত এতিয়ালৈকে কোনো আনুষ্ঠানিক ঘোষণা কৰা হোৱা নাই। অৱশ্যে সূত্ৰ অনুসৰি ট্ৰাম্প প্ৰশাসনে হাৰ্ভাৰ্ডৰ বিশেষ বিশেষাধিকাৰ কৰ্তনৰ প্ৰক্ৰিয়া আৰম্ভ কৰিছে।
আমেৰিকাৰ বিখ্যাত কাকত দ্য ৱাশ্বিংটন প’ষ্টৰ সূত্ৰ অনুসৰি প্ৰশাসনে ইতিমধ্যে আমেৰিকাৰ আভ্যন্তৰীণ ৰাজহ সেৱাৰ স’তে আলোচনাত মিলিত হৈছে। আমেৰিকাৰ নিয়ম অনুসৰি কেবাটাও সংস্থাক ‘কৰ ৰেহাইৰ মৰ্যাদা’ প্ৰদান কৰা হয়। এই বিশেষ পদবী মূলতঃ জনস্বাৰ্থত কাম কৰা সংস্থাসমূহক দিয়া হয়।
এই কোম্পানীবোৰে আয়কৰ পৰিশোধ কৰিব নালাগে। হাৰ্ভাৰ্ড বিশ্ববিদ্যালয়তো এই ‘কৰ ৰেহাইৰ মৰ্যাদা’ আছে। কিন্তু এইবাৰ ট্ৰাম্পে ইয়াৰ প্ৰত্যাহাৰৰ তীব্ৰ পোষকতা কৰিছে।
বুধবাৰে, ট্ৰাম্পে তেওঁৰ সামাজিক মাধ্যম লিখিছে, “এইবাৰ হাৰ্ভাৰ্ডে নিজৰ ‘কৰ ৰেহাইৰ মৰ্যাদা’ হেৰুৱাব পাৰে। যদি উগ্ৰপন্থী অনুপ্ৰেৰিত ৰাজনৈতিক কাৰ্যকলাপ অব্যাহত থাকে তেন্তে হাৰ্ভাৰ্ডে ৰাজনৈতিক সংগঠন হিচাপে কৰ পৰিশোধ কৰিব লাগিব। মনত ৰাখিব, ‘কৰ ৰেহাইৰ স্থিতি’ কেৱল তেতিয়াহে উপলব্ধ যদি আপুনি ৰাজহুৱা স্বাৰ্থত কাম কৰে।”
অৱশ্যে ট্ৰাম্পৰ এই মন্তব্যৰ কোনো সঁহাৰি দিয়া নাই হাৰ্ভাৰ্ডে । ট্ৰাম্প প্ৰশাসনে ইতিমধ্যে হাৰ্ভাৰ্ডক পুঁজি প্ৰদান বন্ধ কৰাৰ সিদ্ধান্ত ঘোষণা কৰিছে।
বিশ্ববিদ্যালয়খনলৈ ২২০ কোটি ডলাৰৰ সাহায্য বন্ধ কৰাৰ সিদ্ধান্ত লোৱা হৈছে।