US India Trade:শুল্কক লৈ ‘বিশ্বযুদ্ধ’ৰ মাজতে ভাৰতলৈ আহিছে আমেৰিকাৰ উপ-ৰাষ্ট্ৰপতি জে ডি ভান্স। তথ্য অনুসৰি তেওঁৰ পত্নী ঊষা ভান্স আৰু সন্তানৰ স’তে ভাৰতলৈ আহিব।
অহা সপ্তাহৰ শেষৰ ফালে তেওঁৰ এই ভ্ৰমণৰ সময়ত প্ৰধানমন্ত্ৰী নৰেন্দ্ৰ মোদীৰ স’তেও সাক্ষাৎ কৰাৰ কথা আছে ।
যদিও বৈঠকৰ তাৰিখ চূড়ান্ত হোৱা নাই, বুধবাৰে আমেৰিকাৰ উপ-ৰাষ্ট্ৰপতিৰ কাৰ্যালয়ে ঘোষণা কৰে যে তেওঁ ১৮-২৪ এপ্ৰিলৰ পৰা ইটালী আৰু ভাৰত ভ্ৰমণ কৰিব।প্ৰথমে ইটালী ভ্ৰমণ কৰি তেওঁ ভাৰতলৈ আহিব।
সংবাদ সংস্থাৰ মতে, ২১ এপ্ৰিলত আমেৰিকাৰ উপ-ৰাষ্ট্ৰপতিগৰাকীয়ে ভাৰতৰ প্ৰধানমন্ত্ৰীৰ স’তে আলোচনা কৰাৰ সম্ভাৱনা আছে।সাম্প্ৰতিক পৰিস্থিতিত, এই বৈঠকত ভাৰত-আমেৰিকা যুক্তৰাষ্ট্ৰৰ বাণিজ্যিক সম্পৰ্ক আৰু পাৰস্পৰিক শুল্কৰ বিষয়েও আলোচনা হোৱাৰ সম্ভাৱনা আছে।
কোৱাৰ প্ৰয়োজন নাই যে, নতুন দিল্লীয়ে এই ভ্ৰমণৰ বাবে অপেক্ষা কৰি আছে। সূত্ৰ অনুসৰি, আমেৰিকা যুক্তৰাষ্ট্ৰৰ উপ ৰাষ্ট্ৰপতিগৰাকীয়ে ভাৰত ভ্ৰমণৰ সময়ত নতুন দিল্লীৰ উপৰিও জয়পুৰ আৰু আগ্ৰা ভ্ৰমণৰ আশা কৰা হৈছে ।
প্ৰসংগক্ৰমে ট্ৰাম্প প্ৰশাসনে দুই এপ্ৰিলৰ পৰা ভাৰত, কানাডা, চীনকে ধৰি কেবাখনো দেশৰ ওপৰত ব্যাপক শুল্ক আৰোপ কৰি আহিছে।ভাৰতে ২৬ শতাংশ কৰ আৰোপ কৰিলেও চীনৰ ওপৰত অতিৰিক্ত পাৰস্পৰিক কৰ ইতিমধ্যে ১৪৫ শতাংশ হ’ল। কিন্তু হেঁচাত পৰি কিছু পৰিমাণে পিছুৱাই যাবলৈ বাধ্য হ’ল আমেৰিকা প্ৰশাসন।
সমগ্ৰ বিশ্বক পাৰস্পৰিক শুল্কৰ ওপৰত ৯০ দিনৰ বাবে স্থগিত ৰখাৰ অনুমতি প্ৰদান কৰা হৈছে। কিন্তু চীনক ৰেহাই দিয়া নহ’ল। আনকি কৰ হাৰ ২৪৫ শতাংশলৈ বৃদ্ধি কৰা হৈছে। এনে পৰিস্থিতিত দিল্লীয়ে বিশ্বৰ ৰাজনীতি আৰু অৰ্থনীতিৰ ওপৰত তীক্ষ্ণ দৃষ্টি ৰাখিছে।