NIA arrested two youths:
বিগত বৰ্ষৰ স্বাধীনতা দিৱসত সামৰিক অভিযানৰ অংশ হিচাপে আলফা (স্বাধীন)ই গুৱাহাটীৰ দিছপুৰ লাষ্টগেটত আইইডি বোমা সংস্থাপনৰ অভিযোগত এনআইএ দুজন লোকক গ্ৰেপ্তাৰ কৰিছে। তদন্তকাৰী সংস্থাটোৱে সদৰী কৰা অনুসৰি, ধৃত যুৱকদ্বয় হ’ল ভার্গব গগৈ আৰু চুমু গগৈ। দুয়োজনৰ ঘৰ ডিব্ৰুগড়ত।
ইয়াকে ধৰি লাষ্টগেটৰ ঘটনাটোত এনআইএ গ্ৰেপ্তাৰ কৰা অভিযুক্তৰ সংখ্যা তিনিজনলৈ বৃদ্ধি পালে। উল্লেখ্য যে লাষ্টগেটত বোমা সংস্থাপনৰ ঘটনাটোৰ তদন্ত অসম আৰক্ষীয়ে এনআইএক অর্পণ কৰিছিল। ইয়াৰ পূৰ্বে এনআইএ গিৰীশ বৰা ওৰফে গৌতম নামৰ এজন লোককো গ্ৰেপ্তাৰ কৰে।
সিদিনা গুৱাহাটীৰ চাৰিটা স্থানত বোমা উদ্ধাৰ হৈছিল আৰু গিৰীশ বৰা এই চাৰিওটা স্থানত বোমা সংস্থাপনত জড়িত আছিল। ধৃত ভার্গর আৰু চুমু আলফা (স্বাঃ)ৰ ষড়যন্ত্রত প্রত্যক্ষভাবে জড়িত আছিল বুলিও এনআইএ সদৰী কৰিছে। ভার্গৱ আৰু চুমুৱে লাষ্টগেটত বোমা সংস্থাপনৰ ঘটনাটোত জড়িত থকাৰ তথ্যও এনআইএই উদ্ধাৰ কৰিছে।