Thyroid:✒️সমগ্র বিশ্বৰ কমেও ১২ শতাংশ লোক ভোগে থায়ৰয়ডজনিত সমস্যাত। এনে ৰোগত আক্রান্ত লোকৰ সংখ্যা এতিয়া বৃদ্ধি পাবলৈ ধৰিছে। বহুতো লোকে প্রথমতে বিশেষ গুরুত্ব প্রদান নকৰাৰ ফলত থায়বয়ডৰ সমস্যাই গা কৰি উঠে।
কেৱল সেয়াই নহয়, ই জটিল পর্যায়লৈ গতি নকৰালৈকে বহুতো লোকে চিকিৎসকৰ পৰামর্শ গ্রহণ কৰিব নোখোজে। সাধাৰণতে মহিলাসকলে এনে সমস্যাত বেছিকৈ আক্রান্ত হোৱা দেখা যায়। অৱশ্যে ইয়াৰ অর্থ এইটো নহয় যে পুৰুষসকলে এনে সমস্যাৰ সম্মুখীন নহয়।
পুৰুষ-মহিলা সকলোৰে আক্রান্ত হয় যদিও বাস্তব ক্ষেত্ৰত তুলনামূলকভাবে মহিলাসকল বেছিকৈ স্বীকাৰ হোৱা দেখা যায়। সাধাৰণতে বিপাক আৰু শৰীৰৰ বিভিন্ন অংশ গঠন প্রক্রিয়াত এইবিধ হৰমনে সহায় কৰে।
যেতিয়া এইবিধ হৰমনৰ কম-বেছি হয় তেতিয়াই বিভিন্ন ধৰণৰ লক্ষণ ফুটি উঠে। সেইবাবে এনে বিশেষ লক্ষ্যণে ফুটি উঠাৰ লগে লগে চিকিৎসকৰ পৰামৰ্শ গ্ৰহণৰ বাবে যোৱা উচিত।
খায়ৰয়ডৰ সমস্যাত আক্রান্ত হ’লে ৰোগীয়ে ক্লান্তি বোধ কৰে।
যদিহে কোনো কাৰণ নোহোৱাকৈ ঠাণ্ডা লাগে তেতিয়া চিকিৎসৎকৰ ওচৰলৈ যাব লাগে। কাৰণ ই থায়ৰয়ডৰ লক্ষণ হ’ব পাবে।
কোনো কাৰণ নোহোৱাকৈ যদি হঠাতে ওজন হ্রাস পায় তেতিয়াহ’লে ই থায়ৰডৰ সংকেট হ’ব পাৰে।
টোপনিত ব্যাঘাত জন্মাটো এনেৰোগৰ লক্ষণ। কিছুমান লোকে এনেধৰণৰ সমস্যাৰ সম্মুখীন হ’লেও প্রথম অৱস্থাত গুরুত্ব প্রদান নকৰাৰ ফলত থায়ৰডৰ সমস্যাই গা কৰি উঠে।
পেশীৰ দুর্বলতা হ’ব পাৰে থায়ৰডৰ সমস্যাৰ আন এক লক্ষণ। কেতিয়াবা হঠাতে পেশী দুর্বল অনুভৱ কৰিবলৈ ধৰে। এনে দুর্বলতা অনুভর হোৱাৰ লগে লগে পৰীক্ষা কৰি নিশ্চিত হ’ব লাগে থায়ৰয়ডত আক্রান্ত হৈছে নে নাই।
কেতিয়াবা যদি শৰীৰৰ ওজন হঠাতে বৃদ্ধি পায় তেতিয়াও চিন্তাৰ কাৰণ হ’ব পাবে। কিয়নো ই হ’ল থায়ৰয়ডৰ যি সমস্যাৰ এক লক্ষণ। যেতিয়া থায়ৰয়ডৰ পৰিমাণ হ্রাস পায় তেতিয়া শৰীৰে লাভ কৰা কেলৰি বা শক্তি ব্যয় হোৱাত ব্যাঘাত জন্মে।
চুলি সৰাটো প্রায়ভাগ লোকেই সাধাবণ ঘটনা বুলি ভাবে। যদিহে হঠাতে চুলি সৰিবলৈ আৰম্ভ কৰে তেতিয়া হ’লে।
ছালখন শুষ্ক হৈছে যদি সেয়া কি কাৰণত হৈছে জানি লোৱা ভাল। কাৰণ থায়ৰয়ডৰ লক্ষণো হ’ব পাৰে। তদুপৰি খজুৱতি হ’ব পাৰে। এনে লক্ষণ দেখা দিলে চিকিৎসকৰ পৰামৰ্শ গ্রহণ কৰি নিশ্চিত হ’ব লাগে থায়ৰয়ডত আক্রান্ত হৈছে নে নাই।
থায়ৰয়ডৰ ক্ষেত্রত ডিপ্লেচন বা হতাশা হ’ব পাৰে এক লক্ষণ। হতাশাৰ বিভিন্ন কাৰণ থাকিব পাৰে। পিছে হঠাতে যদি হতাশা আদিয়ে গা কৰি উঠে তেতিয়া হ’ব পাবে থায়ৰয়ডজনিত ৰোগৰ লক্ষণ।
স্মৃতি শক্তিব ক্ষেত্রতো থায়ৰয়ড জড়িত। সেই বাবে যদি কেতিয়াবা পাহৰণিয়ে গা কৰি উঠে তেতিয়া থায়বয়ড পৰীক্ষা কৰিব লাগে।
পৰিত্ৰাণৰ উপায়
* এনে সমস্যাৰ পৰা হাত
সাৰিবলৈ ধূম্রপায়ীসকলে ধূমপানৰ অভ্যাস ত্যাগ কৰিব লাগিব। কিয়নো ইয়াত থকা বিষাক্ত ৰাসায়নিক পদার্থই থায়ৰয়ড গ্রন্থিৰ ওপৰত প্রভাব পেলায়। হায়পাৰ থায়ৰয়ডৰ সমস্যাৰ পৰা হাত সাৰিবলৈ ধূমপানৰ পৰা আঁতৰি থাকিবই লাগিব।
* যদিহে কেতিয়াবা শৰীৰৰ পৰীক্ষাৰ বাবে এক্স-ৰে কৰিবলগীয়া হয় তেতিয়াহ’লে থায়ৰয়ড কলাবৰ দ্বাৰা থায়ৰয়ড গ্রন্থিক সুৰক্ষা দিবলৈ চিকিৎসকক ক’ব লাগিব।
* খাদ্য তালিকাত ছেলেনিয়ামযুক্ত আহাৰ অন্তর্ভুক্ত কৰা উচিত। থায়ৰয়ড গ্রন্থি সুস্থ কৰি ৰখাৰ ক্ষেত্ৰত এইবিধ উপাদানৰ খুবেই প্রয়োজন।
*যদিহে থায়ৰয়ডৰ সমস্যাত ভুগিছে তেতিয়াহ’লে নিয়মীয়াকৈ চিকিৎসকৰ পৰামর্শ গ্রহণ কৰা উচিত।
* সংসাধিত খাদ্য (প্রছেচেড ফুড)ৰ পৰা যিমান সম্ভৱ আঁতৰি থকাটো মংগলজনক। কাৰণ এইবোৰত থকা বিভিন্ন ধৰণৰ ৰাসায়নিকে থায়ৰয়ড হৰ’মন নিঃসৰণত ব্যাঘাত জন্মায়।
* শৰীৰত যাতে আয়’ডিনৰ অভার নঘটে তাৰ ওপৰত গুৰুত্ব প্রদান কৰা উচিত। বিশেষকৈ হাইপোথায়ৰডৰ সমস্যা প্ৰতিৰোধ কৰিবলৈ আয়’ডিনযুক্ত আহাৰ গ্রহণ কৰিবই লাগিব।
* জিংকযুক্ত খাদ্য খালেও থায়ৰয়ড হৰ’মন কার্যক্ষম বা সক্রিয় হয়। শেহতীয়াভাৱে গবেষকসকলে এই বুলি মন্তব্য কৰিছে যে থায়ৰয়ড গ্রন্থি সুস্থ আৰু কার্যক্ষম কৰি ৰাখিবলৈ জিংক আৰু ছেল’নিয়ামৰ খুবেই প্রয়োজন।