S jaishankar:✒️ভাৰতৰ পৰা কাকো সামগ্ৰী ক্ৰয় কৰিবলৈ বাধ্য কৰা হোৱা নাই। যদি ভাৰতীয় শোধিত তেল বা অন্যান্য শোধিত সামগ্ৰী ক্ৰয় কৰাত সমস্যা হয়, তেন্তে তেওঁলোকে ভাৰতৰ পৰা ক্রয় কৰাৰ প্ৰয়োজন নাই।
শনিবাৰে দিল্লীত এক অনুষ্ঠানত ভাষণ দি বৈদেশিক পৰিক্ৰমা মন্ত্ৰী এছ জয়শংকৰে আন্তঃৰাষ্ট্ৰীয় বাণিজ্য সন্দৰ্ভত নতুন দিল্লীৰ স্থিতি পুনৰ স্পষ্ট কৰি দিয়ে।
শুকুৰবাৰে ভাৰতক লক্ষ্য কৰি মন্তব্য কৰে আমেৰিকাৰ বাণিজ্য উপদেষ্টা পিটাৰ নাভাৰোৱে।
তেওঁ দাবী কৰে যে ভাৰতে ৰাছিয়াৰ পৰা তেল ক্ৰয় কৰি তেল শোধন কৰি বিক্ৰী কৰে। ইয়াৰ বাহিৰেও ভাৰতে ৰাছিয়াৰ পৰা তেল ক্ৰয় কৰাৰ কোনো প্ৰয়োজন নাই।
আমেৰিকাৰ বাণিজ্য উপদেষ্টাগৰাকীৰ এই মন্তব্যৰ পাছতে ভাৰতৰ বৈদেশিক মন্ত্ৰীগৰাকীয়ে প্ৰত্যুত্তৰ দিয়ে।
জয়শংকৰে কয়,”বাণিজ্য সমৰ্থক আমেৰিকা প্ৰশাসনৰ বাবে কাম কৰা লোকসকলে যেতিয়া আনৰ ব্যৱসায়িক লেনদেনৰ অভিযোগ কৰে তেতিয়া সেয়া হাস্যকৰ। যদি ভাৰতৰ পৰা তেল বা শোধিত সামগ্ৰী কিনিবলৈ সমস্যা হয়, তেন্তে সেইবোৰ কিনিব নালাগে। কোনেও আপোনালোকক সেইবোৰ কিনিবলৈ বাধ্য কৰোৱা নাই।”
একে সময়তে বৈদেশিক মন্ত্ৰী এ. ইউৰোপ আৰু আমেৰিকা দুয়োখনেই এই শোধিত তেল কিনে বুলি জনাইছে। এনে পৰিস্থিতিত যদি কোনোবাই বিষয়টো ভাল নাপায় তেন্তে তেওঁলোকে ভাৰতৰ পৰা কিনাৰ প্ৰয়োজন নাই।
দৰাচলতে মস্কোৰ স’তে নতুন দিল্লীৰ বাণিজ্যিক সম্পৰ্কৰ বাবে আমেৰিকা আৰু ভাৰতৰ মাজত কূটনৈতিক উত্তেজনাৰ সৃষ্টি হৈছে, আমেৰিকাৰ ৰাষ্ট্ৰপতি ড’নাল্ড ট্ৰাম্পে ভাৰতৰ ওপৰত অতিৰিক্ত শুল্ক আৰোপ কৰিছে।
অহা ২৭ আগষ্টৰ পৰা কাৰ্যকৰী হোৱাৰ কথা।ইয়াৰ মাজতে ট্ৰাম্পৰ বাণিজ্য উপদেষ্টাগৰাকীয়ে ভাৰতক লক্ষ্য কৰি মন্তব্য আগবঢ়াইছে।