World Tallest Ganesh Statue:
ভাৰত হৈছে বৈচিত্র্যময় সংস্কৃতি, ভাষা আৰু ঐতিহ্যৰ দেশ; প্রতিখন ৰাজ্যৰ নিজস্ব অনন্য ইতিহাস, ৰন্ধনপ্রণালী আৰু উৎসৱ আছে। ভাৰতৰ মানুহে বিভিন্ন দেৱতাক পূজা কৰে, যাৰ ভিতৰত অন্যতম হৈথে গণেশ দেৱতা। অহা বুধবাৰে সমগ্ৰ দেশত পালন কৰা হ’ব গণেশ চতুর্থী। আমাৰ দেশত অসংখ্য গণেশ মন্দিৰ আছে। লগতে আছে অসংখ্য গণেশ মূর্তি। অথচ বিশ্বৰ সবাতোকৈ উচ্চ গণেশ মূর্তিটো ক’ত আছে জানেনে? আচৰিত হ’লেও সত্য যে বিশ্বৰ সবাতোকৈ ওখ গণেশ মূতিটো কিন্তু ভাৰতত নাই। বিশ্বৰ সবাতোকৈ ওখ গণেশ মূৰ্তিটো আছে থাইলেণ্ডৰ চাচোয়েংছাও প্রদেশত, যাৰ উচ্চতা ৩৯ মিটাৰ। এই ব্ৰঞ্জৰ মূৰ্তিটো দেশখনৰ এক গুৰুত্বপূৰ্ণ তীর্থস্থান আৰু পৰ্যটন ক্ষেত্র।
মূৰ্তিটোৰ স্ৰষ্ট পিটাক চালাউমালাওৱে জনাইছে যে বিশালাকাৰ গণেশ মূর্তিটো থাইলেণ্ডৰ সমৃদ্ধিৰ স’তে সম্পর্কিত। এই দেৱতাৰ চাৰিখন হাত। চাৰিখন হাতত আছে চকু, কঁঠাল, কল আৰু আম, যি বৃদ্ধি আৰু আশীর্বাদক মূৰ্ত কৰি তোলে। তেওঁৰ অগ্ৰসৰ পদক্ষেপ জাতিৰ আগুৱাই যোৱাৰ প্ৰতীক অৰু পদ্মৰ মুকুট জ্ঞানৰ প্ৰতীক।
আনহাতে,শীর্ষত থকা ‘ওঁ’ প্রতীকে আমাৰ ৰক্ষাকৰ্তাৰূপে তেওঁৰ অৱস্থানৰ কথা মনত পেলাই দিয়ে বুলিও চলাউমালাওৱে কয়। উল্লেখ্য যে থাইলেণ্ডত মানুহে তেওঁলোকৰ ঘৰত, শিক্ষানুষ্ঠানত তথা কেতিয়াবা কেতিয়াবা নিজৰ অফিচতো গণেশৰ মূর্তি বা ফটো ৰাখে। সৌভাগ্যৰ বাবে গণেশৰ আশীৰ্বাদ কামনা কৰে। সেই দেশজুৰি অনুষ্ঠিত গণেশ উৎসৱ তথা আচাৰ-অনুষ্ঠানসমূহে থাই সংস্কৃতিত গণেশ কিমান গুৰুত্বপূৰ্ণ সেয়া দাঙি ধৰে।