Raju Sahu:
অসম চাহ মজদুৰ সংঘ, পানীতোলা শাখাৰ সম্পাদক, ও প্রাক্তন বিধায়ক ৰাজু চাহুৱে এক প্রেছ বিবৃতি যোগে জনাইছে যে কেনিয়া, নেপাল, বাংলাদেশ, শ্রীলঙ্কা ইত্যাদি দেশত ভাৰতবর্ষৰ দৰে কেইখনমান দেশে চাহ খেতি কৰে। অসমত এই চাহ খেতিব ইতিহাস প্রায় ২০০ বছৰ। অসমৰ চাহ উদ্যোগটোত জড়িত হৈ আছে প্রায় ১ কোটি মানুহ। বর্তমান দেখা গৈছে যে কেনিয়া, নেপাল, বাংলাদেশ, শ্রীলঙ্কা ইত্যাদি বহুত দেশৰ পৰা ভাৰতলৈ চাহ বপ্তানি হৈ আহে। আন দেশৰ পৰা ৰপ্তানি হোৱা চাহ পাত আহি থকাত আমাৰ ভাৰতবৰ্ষত থকা চাহ বাগিছাৰ ওপৰত বেয়া প্রভাৱ পৰা দেখা গৈছে আৰু চাহ বাগিছা বিলাক দুর্ব্বল হৈছে।
এই ক্ষেত্রত Tea Board কোনো ব্যৱস্থাই লোৱা নাই। আগতে Tea Board ত এজন দক্ষ IPS বিষয়া আছিল বর্তমান চৰকাৰে সাধাৰন বিষয়াকে দায়িত্ব দি ধংস কৰিব খুজিছে চাহ উদ্যোগটোক। যাৰ ফলত ইয়াত কর্মৰত প্রায় ১ কোটিতকৈ অধিক শ্রমিকৰ অৱস্থা একেবাৰে জৰার্জীণ হৈছে। কেনিয়াত চাহ উৎপাদনৰ খৰছ একেবাৰে কম। সেই দেশ বিলাকত টেক্স , জি,এছ, টি অতি নিম্নতম হোৱাত ভাৰতবর্ষত নিম্নমানৰ চাহ পাত অতি কম ১৫০ টকা দৰত প্রতি কেজি চাহ বিক্রী কৰি আছে। আমাৰ অসমত এক কেজি চাহ’ প্রস্তুত কৰিবলৈ আনুমানিক খৰছ পবে ২২০-২৩০ টকা।
যদি এক কেজি চাহ প্রস্তুত কৰিবলৈ ২৩০ টকা লাগে তেনেহলে কেনিয়াৰ পৰা ১৫০ টকা দৰত ৰপ্তানি হোৱা চাহ আমাৰ ভাৰতবৰ্ষৰ চাহ বাগিছাৰ পৰা ক্রয় নকৰি কেনিয়া, বাংলাদেশ, শ্রীলঙ্কা ইত্যাদি ইত্যাদি দেশৰ চাহ ক্রয় কৰাৰ বাবে ইয়াৰ বজাৰত উভৈনদী হৈছে। যাৰ বাবে ভাৰতবৰ্ষৰ চাহ বাগিছা বিলাকৰ চাহ বিক্রী হোৱাত বাধাৰ সম্মুখীন হোৱাৰ বাবে আমাৰ ভাৰতৰ চাহ বাগিছা বিলাক ক্রমান্বয়ে জৰাজীর্ণ হৈছে বাদামী নামি চাহ কোম্পানীৰ মালিক সকলে চাহ বাগিছা সমূহ বিক্রী কবি এই ব্যৱসায়ৰ পৰাই ওলাই গৈছে। ইয়াৰ ওপৰি ক্ষুদ্র চাহ বাগিছাৰ অৱস্থাও একেবাৰে জৰাজীর্ণ, কেঁচা চাহ পাতৰ উচিত মূল্য নোপোৱা আৰু মূল্য কমি যোৱাত অসমৰ প্রায় ২ লাখ ক্ষুদ্র চাহ খেতিয়কে হাহাকাৰ কৰিব লগা হৈছে এনে অৱস্থাত ক্ষুদ্র চাহ খেতিয়কে আন্দোলন কৰিব লগা হৈছে।
যদি ওচৰ চুবুৰীয়া দেশ বিলাকে আমাৰ ভাৰতবর্ষলৈ ৰপ্তানি কৰা চাহত চৰকাৰে ১০০% ইমপর্ট, ডিউটি লগাই দিয়ে আৰু টকা জমা লয় তেন্তে ২০০ বছৰীয়া উদ্যোগটো বর্তী থাকিব। অসমৰ বিজেপি চৰকাৰে বাংলাদেশী মিঞা মুছলমান মানুহক দেখিব নোৱাৰে এনে স্থলত কিয় বাংলাদেশৰ চাহ ভাৰতবৰ্ষত আহিব দিছে? ইয়াত কাৰ স্বার্থ জড়িত হৈ আছে নে এই দবেই চাহ বাগিছা বিলাকক দুর্বল কৰি চাহ বাগিছাৰ মাটিব ওপবত চকু দিছে। বিজেপি চৰকাৰে এই অসমৰ দুশ বছৰীয়া চাহ উদ্যোগ ৰক্ষা কৰিবলৈ কিয় কেনিয়া আদি কবি অন্য ৰাষ্ট্ৰৰ পৰা অহা চাহৰ ওপৰত ১০০% ইনপর্ট ডিউটি লগোৱা নাই।
এই বিজেপি চৰকাৰে অন্যান্য ৰাষ্ট্ৰৰ পৰা নিম্ন মানৰ চাহ আনি অসমৰ চাহৰ লগত টি বেন্ড লগাই বজাৰত বিক্ৰী কৰে। ইয়াৰ ফলত অসমৰ চাহৰ চাহিদা নোহোৱাত নিম্নগামী হৈ মূল্য কমি গৈছে। এই দৰেই অসমৰ চাহৰ মৃত্যু ঘন্টা বজাটো স্বাভাবিক। বিজেপি চৰকাৰে যদি নিজৰ দেশত উৎপাদন হোৱা চাহৰ ওপৰত গুৰুত্ব নিদিয়ে তেন্তে এদিন অসমৰ ২০০ বছৰীয়া ইতিহাস থকা চাহ বাগিছাই নাথাকিব। সেয়েহে ইয়াৰ ওপৰত উপযুক্ত ব্যৱস্হা লবলৈ অসম চাহ মজদুৰ সংঘৰ হৈ দাবী জনালোঁ। উক্ত বিষয়ে উচিত পদক্ষেপ লৈ ভাৰতবর্ষৰ চাহ উদ্যোগটোক জীয়াই ৰাখক। আমি কব পাৰো যে কেন্দ্রীয় চৰকাৰৰ ভুলৰ বাবে অসমৰ চাহৰ এই অৱস্থা। যাৰ পৰিনাম ভুগিব লগা হৈছে এই উদ্যোগটোৰ লগত জড়িত প্রত্যোক জন চাহ শ্রমিক-কর্মচাৰী।