Donald Trump:✒️৮০০ ডলাৰ (ভাৰতীয় মুদ্ৰাত ৭০,২৪৩)বা তাতকৈ কম মূল্যৰ পেকেজ লেনদেনত পূৰ্বে দিয়া শুল্ক ৰেহাই আঁতৰাইছে আমেৰিকাই।
অৰ্থাৎ শুকুৰবাৰৰ পৰা আৰু কোনো পেকেজত লেনদেনত শুল্ক প্ৰযোজ্য নহয় বুলি জনাইছে ড ড’নাল্ড ট্ৰাম্পে।এতিয়াৰ পৰা আমেৰিকালৈ প্ৰেৰণ কৰা যিকোনো পাৰ্চেলে স্বাভাৱিক হাৰত শুল্ক দিব লাগিব।
অৰ্থাৎ যিখন দেশত সামগ্ৰী ৰপ্তানি কৰা হয়, সেই একে শুল্ক পেকেজ বা পাৰ্চেল প্ৰেৰণ কৰাৰ সময়তো আদায় দিয়া হ’ব। যিকোনো মূল্যৰ পাৰ্চেলৰ বাবে এই নিয়ম প্ৰৱৰ্তন কৰা হৈছে।
অৱশ্যে ৱাশ্বিংটনে পাৰ্চেল প্ৰেৰকসকলকো অহা ছমাহৰ বাবে আন এটা বিকল্প বাছি লোৱাৰ সুযোগ দিছে।
ট্ৰাম্প প্ৰশাসনে কয় যে প্ৰেৰকসকলে অহা ছমাহৰ বাবে অতিৰিক্ত মাচুল বিনিময়ত আমেৰিকালৈ পাৰ্চেল প্ৰেৰণ কৰিব পাৰিব আৰু এই অৰ্থৰ পৰিমাণ দেশভেদে বেলেগ বেলেগ হ’ব।
এটা পাৰ্চেলৰ বাবে ইয়াৰ মূল্য ৮০ ডলাৰ (৭,০২৪ টকা)ৰ পৰা সৰ্বাধিক ২০০ ডলাৰ (১৭,৫৬১ টকা)লৈকে হ’ব পাৰে।
আমেৰিকাৰ শুল্ক আৰু সীমা সুৰক্ষা সংস্থাই এক বিবৃতিত কয় যে যিবোৰ দেশত বৰ্তমান আমেৰিকাৰ ৰপ্তানি শুল্ক ১৬ শতাংশ বা তাতকৈ কম আছে, সেইবোৰ দেশত পাৰ্চেল প্ৰেৰণ কৰাৰ সময়ত অতিৰিক্ত ৮০ ডলাৰহে দিব লাগিব।
এই তালিকাত ব্ৰিটেইন আৰু ইউৰোপীয় সংঘৰ কেবাখনো দেশ অন্তৰ্ভুক্ত কৰা হৈছে। ১৬ৰ পৰা ২৫ শতাংশ শুল্ক থকা দেশসমূহে পাৰ্চেলৰ বাবে অতিৰিক্ত ১৬০ ডলাৰ (১৪,০৪৯ টকা) দিব লাগিব।
ইণ্ডোনেছিয়া আৰু ভিয়েটনামো এই তালিকাত অন্তৰ্ভুক্ত।চীন, ভাৰত, ব্ৰাজিল, কানাডাৰ দৰে দেশসমূহে যিবোৰ দেশৰ ওপৰত আমেৰিকাই ২৫ শতাংশ বা তাতকৈ অধিক শুল্ক আৰোপ কৰিছে, সেইবোৰে নিজৰ পাৰ্চেলৰ বাবে সৰ্বাধিক ২০০ ডলাৰ দিব লাগিব।
অৱশ্যে এই নিয়ম ছমাহৰ বাবে। ইয়াৰ পাছত সকলো দেশৰ পাৰ্চেলৰ ক্ষেত্ৰত সাধাৰণ ৰপ্তানি শুল্ক প্ৰযোজ্য হ’ব।
আমেৰিকাৰ বাণিজ্য উপদেষ্টা পিটাৰ নাভাৰোৱে কয় যে পাৰ্চেল লেনদেনৰ বাবে শুল্ক ৰেহাই আঁতৰোৱাটো স্থায়ী। ভৱিষ্যতে কোনো দেশৰ বাবে ব্যৱস্থাৰ কোনো পৰিৱৰ্তন হোৱাৰ সম্ভাৱনা নাই।
তেওঁ দাবী কৰে যে কৰ ৰেহাইৰ সুবিধা লৈ অবৈধ ড্ৰাগছ আৰু অন্যান্য বিপজ্জনক সামগ্ৰী আমেৰিকাত প্ৰৱেশ কৰিছে। এই সিদ্ধান্তই এই সংখ্যা হ্ৰাস কৰিব।
পিটাৰে কয়,” ৰাষ্ট্ৰপতি ট্ৰাম্পে ভয়ংকৰ শুল্ক বন্ধ কৰাৰ সিদ্ধান্তই অনাগত দিনত আমেৰিকানসকলক লাভৱান কৰিব।ড্ৰাগছ আৰু অন্যান্য নিষিদ্ধ আৰু বিপজ্জনক সামগ্ৰী আৰু আমেৰিকাত মুক্তভাৱে প্ৰৱেশ কৰিব নোৱাৰিব।ইয়াৰ উপৰিও ই প্ৰতি বছৰে অতিৰিক্ত এহেজাৰ কোটি ডলাৰৰ ৰাজহ আহৰণ কৰিব। এইটো এটা স্থায়ী পৰিৱৰ্তন।”